قازاقستان كولىك سالاسىندا رەسەيمەن، قىتايمەن ىنتىماقتاستىعىن جالعاستىرا بەرەدى. بۇل تۋرالى بۇگىن قازاقستان حالقىنا جولداۋىن جاريالاۋ كەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ستراتەگيالىق ماڭىزى بار مىندەتتىڭ ءبىرى – كولىك-لوگيستيكا سالاسىنىڭ الەۋەتىن تولىق پايدالانۋ. ءقازىر الەمدە جاڭا ەكونوميكالىق كەڭىستىك قالىپتاسىپ جاتىر. قىتايدان ەۋروپاعا، رەسەيگە، ورتالىق ازياعا جانە وسى ايماقتاردان قىتايعا جىبەرىلەتىن تاۋار كولەمى ايتارلىقتاي كوبەيەدى دەگەن بولجام بار. قازاقستان سولتۇستىك پەن وڭتۇستىكتى، باتىس پەن شىعىستى بايلانىستىراتىن جاھاندىق جولايرىقتا ورنالاسقان. بۇل ءبىزدىڭ ەلىمىزگە زور مۇمكىندىك بەرىپ وتىر. سوندىقتان، كولىك-لوگيستيكا سالاسى ەكونوميكامىزدى العا باستايتىن باستى كۇشتىڭ بىرىنە اينالۋعا ءتيىس. ءقازىر باسەكە كۇشەيىپ تۇر. وسىعان وراي، ءبىرقاتار ماڭىزدى ماسەلەنى شۇعىل شەشۋ كەرەك»، - دەدى قاسىم-جومارت توقايەۆ.
پرەزيدەنتتىڭ ايتۋىنشا، ەڭ الدىمەن «دوستىق-مويىنتى»، «باقتى-اياكوز»، «داربازا-ماقتاارال» باعىتىنداعى ءىرى تەمىرجول جوبالارىن ساپالى جۇزەگە اسىرۋ قاجەت.
«ونىڭ قاتارىندا الماتىنى اينالىپ وتەتىن تەمىر جول جەلىسى دە بار. قازاقستان كولىك سالاسىندا رەسەيمەن، قىتايمەن ىنتىماقتاستىعىن جالعاستىرا بەرەدى»، - دەدى مەملەەكت باسشىسى.