ازامات جۇرگىزۋشى قۇقىعىنان ايىرىلدى.
1 جىلعا جۇرگىزۋشى كۋالىگىنەن ايىرۋ جازاسى تاعايىندالدى، دەپ حابارلايدى aqshamnews.kz Polisia.kz سايتىنا سىلتەمە جاساپ.
جۋالى اۋدانىنداعى پوليسيا قىزمەتكەرلەرى الماتى وبلىسىنىڭ تۇرعىنىن مەملەكەتتىك تىركەۋ نومىرلەرى وقىلمايتىن اۆتوكولىكتى باسقارعانى ءۇشىن ۇستادى.
Sitrak كولىگى باتىس ەۋروپا – باتىس جۇڭگو رەسپۋبليكالىق ماڭىزى بار جولىنىڭ 564-شاقىرىمىندا توقتاتىلدى. تەكسەرۋ بارىسىندا جۇرگىزۋشى مەملەكەتتىك نومىرلەردەگى ارىپتەردى قىزىل قاعازبەن جاۋىپ تاستاعانى انىقتالدى. ول تاۋاردى تاشكەنت قالاسىنان الماتى وبلىسىنا تاسىمالداۋشى ەكەن.
ەر ادامعا قاتىستى مەملەكەتتiك تiركەۋ ءنومiرi بەلگiسiن سايكەستەندىرۋگە كەدەرگى كەلتىرەتىن نە ولاردىڭ ءتۇرىن وزگەرتەتىن نەمەسە جاسىراتىن قۇرىلعىلار مەن ماتەريالدار قولدانىلا وتىرىپ جابدىقتالعان كولiك قۇرالىن باسقارۋ بويىنشا حاتتاما جاسالدى. كولىك ايىپ تۇراعىنا قويىلدى. سوت شەشىمى بويىنشا ەر ادامعا قاتىستى ءبىر تاۋلىككە قاماۋعا الۋ جانە 1 جىلعا جۇرگىزۋشى كۋالىگىنەن ايىرۋ جازاسى تاعايىندالدى.