«التىن دالا» باستاماسى 2024 جىلعى The Earthshot Prize ەكولوگيالىق سىيلىعىنىڭ «تابيعاتتى قورعاۋ جانە قالپىنا كەلتىرۋ» نوميناسياسىندا جەڭىسكە جەتتى.
بۇل ماراپات – قازاقستانداعى كيىكتەردىڭ پوپۋلياسياسىن قالپىنا كەلتىرۋ مەن ەرەكشە قورعالاتىن ايماقتارىن كەڭەيتۋ سالاسىنداعى ەلەۋلى جەتىستىكتەردى مويىنداۋدىڭ كورسەتكىشى، دەپ حابارلايدى aqshamnews.kz
اتالعان باستاما اياسىندا قورىق ايماقتارىن قۇرۋ مەن كەڭەيتۋ، سيرەك كەزدەسەتىن تۇرلەردىڭ پوپۋلياسيالارىن قالپىنا كەلتىرۋ جانە براكونەرلىككە قارسى كۇرەس بويىنشا اۋقىمدى شارالار قولعا الىنعان.
«ناتيجەسىندە 2003 جىلى قازاقستانداعى 21 مىڭ باس بولعان كيىك پوپۋلياسياسى 2024 جىلى 2،8 ميلليونعا جەتىپ، الەمدەگى سۇتقورەكتىلەردى قالپىنا كەلتىرۋدىڭ ەڭ تابىستى مىسالدارىنىڭ بىرىنە اينالدى»، – دەلىنگەن ەكولوگيا مينيسترلىگىنىڭ حابارلاماسىندا.