كولىك ۆەدومستۆوسىنىڭ باسشىسى مارات قارابايەۆ رۋمىنيا پرەمەر-مينيسترى كەڭسەسىنىڭ مەملەكەتتىك كەڭەسشىسى فلورين سپاتارۋمەن كەزدەستى.
كەزدەسۋ بارىسىندا تەڭىز جانە تەمىرجول مارشرۋتتارىن دامىتۋ، لوگيستيكا سالاسىن سيفرلاندىرۋ، سونداي-اق كولىك سالاسىنداعى ەكىجاقتى ىنتىماقتاستىق ماسەلەلەرى تالقىلاندى، دەپ حابارلايدى aqshamnews.kz cالا مينيسترلىگىنە سىلتەمە جاساپ.
ەلدەر اراسىنداعى ءوزارا ءىس-قيمىلدى نىعايتۋعا باعىتتالعان اۆتوكولىك جانە لوگيستيكا سالالارىنا قاتىستى قۇجاتتارعا قول قويۋ تۋرالى الدىن الا ۋاعدالاستىققا قول جەتكىزىلدى. ىنتىماقتاستىقتى ودان ءارى نىعايتۋ جانە كولىك جونىندەگى بىرلەسكەن كوميسسيانىڭ كەزەكتى وتىرىسىن وتكىزۋ ءۇشىن قازاقستاندىق دەلەگاسيانىڭ رۋمىنياعا ساپارى جوسپارلانۋدا.
تاراپتار ەۋروپا مەن ازيا اراسىنداعى ترانزيتتىك دالىزدەردى جاقسارتۋ ءۇشىن قازاقستان مەن رۋمىنيا اراسىنداعى ارىپتەستىكتىڭ ستراتەگيالىق ماڭىزدىلىعىن اتاپ ءوتىپ، بىرلەسكەن ينفراقۇرىلىمدىق جوبالاردى دامىتۋ بويىنشا ىنتىماقتاستىقتى جالعاستىرۋعا كەلىستى.
كولىك ءمينيسترى مارات قارابايەۆ رۋمىنيانىڭ مەملەكەتتىك كەڭەسشىسى فلورين سپاتارۋمەن كەزدەستى
- اۆتور aqshamnews.kz
- 14:53، 15 قازان 2024
سۋرەت: Gov.kz