مەملەكەت باسشىسى بەرگەن تاپسىرمالارعا سايكەس، پرەمەر-مينيستردىڭ توراعالىعىمەن وتكەن كەڭەستە ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى مينيستر جاسلان مادييەۆتىڭ توراعالىعىمەن كولىك-لوگيستيكا سالاسىن سيفرلىق ترانسفورماسيالاۋ بويىنشا ۆەدومستۆوارالىق جوبالىق توپتىڭ قۇرىلۋىن ۇسىندى.
جوبالىق توپ سيفرلىق دامۋ ءمينيسترىنىڭ بۇيرىعىمەن قۇرىلدى. قۇرامىنا كولىك، اۋىل شارۋاشىلىعى، ساۋدا جانە ينتەگراسيا، قارجى مينيسترلىكتەرىنىڭ، مەملەكەتتىك كىرىستەر كوميتەتىنىڭ، «قازاقستان تەمىر جولى»، سونداي-اق اۆياسيا جانە لوگيستيكا سالالارىنداعى ءىرى قاتىسۋشىلاردىڭ وكىلدەرى ەندى.
توپتىڭ ماقساتى — ترانزيتتىك جانە مۋلتيمودالدى تاسىمالداردىڭ تيىمدىلىگىن ارتتىرۋعا، اكىمشىلىك كەدەرگىلەردى جويۋعا جانە سالانىڭ سيفرلىق ينفراقۇرىلىمىن دامىتۋعا باعىتتالعان جۇيەلى سيفرلىق شەشىمدەردى ازىرلەۋ.
جوبالىق توپتىڭ نەگىزگى مىندەتتەرى:
- لوگيستيكاداعى بيزنەس-پروسەستەردى رەينجينيرينگ جاساۋ،
- قولدانىستاعى اقپاراتتىق جۇيەلەردى تالداۋ جانە ينتەگراسيالاۋ،
- نورماتيۆتىك-قۇقىقتىق بازاعا وزگەرىستەر ەنگىزۋ بويىنشا ۇسىنىستار دايىنداۋ،
- سالانىڭ ماقساتتى ارحيتەكتۋراسى مەن يت-ينفراقۇرىلىمىن ازىرلەۋ،
- ستراتەگيالىق نۇكتەلەردە، ونىڭ ىشىندە «قورعاس» حشىو-دا سيفرلىق شەشىمدەردى ەنگىزۋ،
- «قازاقستان تەمىر جولى» جۇيەلەرىنەن Smart Data Ukimet مەملەكەتتىك دەرەكتەر جۇيەسىنە لوگيستيكالىق دەرەكتەردى بەرۋ جانە وڭدەۋدى قامتاماسىز ەتۋ،
- حالىقارالىق ۇزدىك تاجىريبەلەردى زەردەلەپ، بەيىمدەۋ.
جوبالىق توپ اپتالىق سپرينتتەر فورماتىندا جۇمىس ىستەيدى. بۇل ءتاسىل بارلىق باعىتتار بويىنشا تۇراقتى ىلگەرىلەۋدى قامتاماسىز ەتەدى.
قويىلعان مىندەتتەردى جەدەل جانە فوكۋستالعان ىسكە اسىرۋ ءۇشىن بەيىندى ۆەدومستۆولار مەن ۇيىمداردىڭ قىزمەتكەرلەرى تولىق جۇمىسپەن قامتۋ جاعدايىندا جوبالىق توپتاعى جۇمىسقا ءىسساپارعا جىبەرىلدى.