الماتىدا سوت شەشىمىمەن كوكتوبەدەگى ەڭ ءىرى اۆتوتۇراق بۇزىلادى، دەپ حابارلايدى almaty-akshamy.kz.
قالانىڭ قالا قۇرىلىسىن باقىلاۋ باسقارماسى گورنايا كوشەسىندەگى، گورنوۆوستوچنايا كوشەسىنىڭ شىعىسىنداعى اۆتوتۇراق يەسىنىڭ جەردى ۋاقىتشا اقىلى پايدالانۋ مەرزىمى اياقتالعانىن حابارلادى.
«پايدالانۋ مەرزىمى اياقتالعاننان كەيىن جەردى پايدالانۋشى جەر قاتىناستارى باسقارماسىنا ونى ۇزارتۋعا ءوتىنىش بەردى. ءبىراق مەملەكەتتىك مەكەمە ونىڭ بەرگەن ءوتىنىشىن قاناعاتتاندىرۋدان باس تارتتى. جقب-دان ءتيىستى حابارلامانى الىپ، ءبىز الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا تالاپ ارىز بەردىك. سوت شەشىمىمەن بۇگىنگى تاڭدا اۆتوتۇراقتى بولشەكتەۋ جۇمىستارى جۇرگىزىلىپ جاتىر»، – دەپ ءتۇسىندىردى ۆەدومستۆو.
كوكتوبەدەگى اۆتوتۇراق شامامەن مەملەكەتتىك جەردىڭ 1،3 گەكتار اۋماعىن الىپ جاتقان بولاتىن.