وسى كۇزدە الماتىنىڭ «كوك توبە» ساياباعىندا جاياۋ جۇرگىنشىلەرگە ارنالعان «دەنساۋلىق جولى» پايدا بولادى
الماتىنىڭ «كوك توبە» ساياباعىندا جاياۋ جۇرگىنشىلەرگە ارنالعان تروتۋار پايدا بولادى، ونىڭ قۇرىلىسى اعىمداعى جىلدىڭ قاراشا ايىندا اياقتالاتىنىن الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋىندە مالىمدەدى، دەپ حابارلايدى Almaty-akshamy.kz.
«جەكە قاراجات ەسەبىنەن قىركۇيەك ايىنىڭ باسىندا «كوك توبە» ساياباعىنا دەيىن ۇزىندىعى 1،2 كم جاياۋ جۇرگىنشىلەر تروتۋارىن جايلاستىرۋ جۇمىستارى باستالدى. بۇگىنگى تاڭدا جولدى كەڭەيتۋ جۇمىستارى جۇرگىزىلىپ، ورىندىقتار مەن ۋرنالار ورناتىلادى. اياقتالۋ مەرزىمى-وسى جىلدىڭ قاراشا ايى»، - دەدى اكىم ەربولات دوسايەۆ.
بۇعان دەيىن قالا باسشىسى تۇرعىندارمەن كەزدەسۋلەردە الماتى تۇرعىندارى مەن قوناقتارى كولىك جۇرەتىن بولىكپەن جۇرۋگە ءماجبۇر بولعانىن، ونىڭ قولايسىزدىق پەن ءقاۋىپ تۋدىرعانىن اتاپ ءوتتى. قالا تۇرعىندارىنىڭ وتىنىشتەرىن ەسكەرە وتىرىپ، اكىمنىڭ تاپسىرماسى بويىنشا بيىلعى 3 توقساندا جاياۋ جۇرگىنشىلەرگە ارنالعان «دەنساۋلىق جولى» قۇرىلىسى باستالدى.