كوكتەم كەلىپ، كۇننىڭ جىلىنعانى كوتەرىڭكى كوڭىل-كۇي سىيلاپ قانا قويماي، كەرى اسەرى دە بولىپ جاتادى كەيدە. قىز-كەلىنشەكتەردىڭ قۇلپىراتىن كەزەڭى بولا تۇرا، كەيبىر ارۋلارىمىزعا جاعىمسىز اسەر بەرەتىنى دە بار. ونىڭ ءبىر ايعاعى – بەتتەگى سەكپىلدىڭ كوبەيىپ كەتۋى.
سەكپىل - تەرىدەگى دوڭگەلەك نە سوپاقشا ءپىشىندى، اشىق سارى، قارا قوڭىر ءتۇستى داق. ادەتتە بەتتە، قولدىڭ سىرتقى جاعىندا، يىقتا، ارقا مەن كەۋدەدە بولادى. كەيدە، اسىرەسە كوكتەمگى جانە جازعى ماۋسىمدا سەكپىلدىڭ كوبەيىپ كەتەتىنى سونشالىق، ولار بىر-بىرىمەن قوسىلىپ، تۇتاس قوڭىرقاي داقتارعا اينالادى. قىستىگۇنى سەكپىل ءبىرجولا جويىلىپ كەتپەسە دە، بۇرىنعىسىنان ازايا تۇسەدى. جاس ۇلعايا كەلە، كوبىنەسە 30-دان اسقان سوڭ، سەكپىل وز-وزىنەن جوعالادى. سەكپىلدى ءبىرجولاتا جويۋدىڭ امالى جوق، دەپ حابارلايدى Almaty-akshamy.kz Ernur.kz-كە سىلتەمە جاساپ.
دەگەنمەن دە الدىن-الا جاسالاتىن ەمدىك شارالاردىڭ ءمانى زور. كۇن قىزا باستاعاننان (ناۋرىز ايىنىڭ سوڭى نەمەسە ءساۋىر باستالعاننان) كەيىن جانە كۇزدىڭ سوڭعى ايلارىندا كوشەگە شىعار الدىندا بەتكە ارنايى كرەم جاعۋ كەرەك. سەكپىلدىڭ داعىن بايقاتپاۋ ءۇشىن بەتتى قاتىقپەن، اشىعان ايرانمەن سىلاپ، سۋتەگى اسقىن توتىعىنىڭ 3 پروسەنتتىك ەرىتىندىسىمەن سۇرتكەن دە ءتيىمدى. جازعى ۋاقىتتا بەتتى ليموننىڭ نەمەسە ءپىسىپ جەتىلمەگەن قاراقاتتىڭ شىرىنىمەن سۇرتكەن پايدالى. سەكپىلدى تۇسسىزدەندىرۋ ءۇشىن «مەلان»، «احرومين» كرەمدەرىن پايدالانۋعا بولادى. بەتتى جاقسىلاپ تازالاپ العان سوڭ كرەمدى جاعىپ، 40-60 مينۋت ۇستاپ، ماقتامەن ءسۇرتىپ تاستاۋ كەرەك. بۇدان كەيىن بەتتى جۋۋدىڭ قاجەتى جوق.
ەسكەرتۋ: بۇل كرەمدەردى كۇندىز كوشەگە شىعاردا جاعۋعا جانە جۇكتى ايەلدەرگە پايدالانۋعا بولمايدى. ەگەر مۇمكىندىگىڭىز جەتىپ جاتسا، سەكپىلدى ءبىرجولاتا كەتىرۋ ءۇشىن ەمدىك كوسمەتيكالىق پروسەدۋرالارعا جۇگىنگەنىڭىز دۇرىس. بۇل ارينە، كوكتەمنىڭ جاعىمسىز اسەرلەرىنىڭ ءبىرى، سوندىقتان، بۇل مەزگىلدە كۇن ساۋلەسىنىڭ اسەرىنەن بولاتىن بەتتەگى سەپكىلدىڭ ءورشىپ كەتۋىنەن ساقتانعان دۇرىس. سەكپىلدەن ارىلۋدىڭ بىرنەشە جولدارى بار جانە ونىڭ اسەرى اركىمگە ءار ءتۇرلى. سەكپىل بەتتە تىم كوبەيىپ كەتپەس ءۇشىن الدىن الا ەمدىك شارالار جاساعانىڭىز دۇرىس.
ول ءۇشىن: - كوشەگە شىعار الدىندا كۇن ساۋلەسىنەن قورعايتىن ماكسيمالدى اسەرى بار كرەمدەر جاعىپ ءجۇرىڭىز؛ - بەتىڭىزدىڭ ءبىراز بولىگىن جاۋىپ تۇراتىن كۇن كوزىنەن ساقتايتىن كوزىلدىرىك پەن قالپاق (شلياپا) كيىپ ءجۇرىڭىز؛ - ەگەر كۇن تىم ىستىق بولسا، كەش تۇسكەنشە عيمارات ىشىنەن مۇمكىندىگىنشە شىقپاۋعا تىرىسىڭىز؛ - بەتىڭىزگە كۇن كوزىنەن ساقتايتىن كرەمنەن بولەك تونالدى كرەم نەمەسە وپا جاعىپ ءجۇرىڭىز؛ - كۇندەلىكتى تاماقتانۋ راسيونىڭىزعا س جانە رر دارۋمەندەرى مول تاعامداردى قوسىڭىز. اسىرەسە جەمىس، كوكونىستى كوبىرەك جەۋگە تىرىسىڭىز. بۇل مەزگىلدە جەمىستەر مەن كوكونىستەرگە تاپشىلىق جوقتىڭ قاسى، قولجەتىمدى بولىپ تۇرعاندىقتان، مەيلىنشە سول مۇمكىندىكتى پايدالانىپ قالىڭىز.
سەكپىلدى كەتىرۋ
1. پيازدىڭ، ليموننىڭ ءسولىن جانە اسقا پايدالاناتىن سىركەسۋدى (ءارقايسىسىن 25 گرامنان) ءبىر ىدىسقا قۇيىپ، ارالاستىرىپ، بەتىڭىزگە 25 رەت ماسكا جاساڭىز. 2. سۋتەگىنىڭ 3 پايىزدىق توتىعىنىڭ 100 گرامىن 5 گرامم ءمۇساتىر سپيرتىنە ارالاستىرىپ، بەتىڭىزدى ىلعالداڭىز. 15 مينۋتتان كەيىن تەرى اعارتاتىن كرەم جاعىڭىز. 3. ءبىر ءتۇيىر ليموننىڭ سولىنە 100 گرامم بال ارالاستىرىپ، ونى بەتىڭىزگە 1-5-10 مارتە جاعىڭىز. سودان سوڭ جىلى سۋمەن شايىپ تاستاڭىز. 4. وسىنداي ماسكا جاساۋمەن قاتار س دارۋمەنىن (20-30 كۇن بويى 1-1،5 گرامنان) جانە رر دارۋمەنىن (نيكتولاميد، نيكتوتين قىشقىلى) كۇنىنە 3 تۇيمەداقتان قابىلداعان ءجون.
بەتىڭىزدەگى سەكپىلدەر كوبەيىپ، قارايىپ ۇلگەرسە: 1) بەتتىڭ تەرىسىن اعارتۋعا ارنالعان كوسمەتيكالىق قۇرالداردى (كرەم، گەلدەر) قولدانىڭىز؛ 2) قۇرامىندا س دارۋمەنى كوپ جەمىس، كوكونىستەرمەن (ليمون، قۇلپىناي، قاراقات) كۇن سايىن قورەكتەنىڭىز؛ 3) تەرىنى اعارتاتىن قوسپالارى بار ماسكالار جاساپ، (اقجەلكەك (حرەن)، اقجەلكەن (پەترۋشكا)، قيار، ليمون شىرىنى) بەتىڭىزگە جاعىپ ءجۇرىڭىز. بەتىڭىزگە ماسكانى جاققاننان كەيىن تەرىڭىزدى كۇن كوزىنىڭ تىكەلەي تۇسۋىنەن ساقتاڭىز. تەرىنى اعارتاتىن ماسكالاردىڭ بارلىعى دا 2-3 اپتادا ءوز ناتيجەسىن بەرەدى.