وقۋ ۇيلەستىرۋ جانە جەتەكشىلىك ەتۋ جونىندەگى رەسپۋبليكالىق شتاب اقتوبەدە ورنالاسقان.
ەلىمىزدە «سۋ تاسقىنى كەزەڭى جاعدايلارىنداعى توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىن، كۇشتەرى مەن قۇرالدارىن دايىنداۋ» تاقىرىبى بويىنشا «كوكتەم-2024» رەسپۋبليكالىق كوماندالىق-شتابتىق وقۋ-جاتتىعۋى باستالدى، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.
وقۋ-جاتتىعۋ 2024 جىلعى 8-9 اقپان ارالىعىندا ازاماتتىق قورعاۋدىڭ مەملەكەتتىك جۇيەسىنىڭ جانە حالىقتىڭ كوكتەم كەزەڭ جاعدايىندا توتەنشە جاعدايلاردى جويۋعا دايىندىعى مەن قابىلەتتىلىگىن ارتتىرۋ، ازاماتتىق قورعاۋ قىزمەتتەرى مەن قۇرالىمدارىنىڭ كوكتەم كەزەڭدەگى تج-عا دەن قويۋعا دايىندىعىن تەكسەرۋ ماقساتىندا وتكىزىلەدى.
«كوكتەم-2024» وقۋ-جاتتىعۋى شەڭبەرىندە رەسپۋبليكا بويىنشا تج جويۋ جونىندەگى ءىس-قيمىلداردى پىسىقتاۋ بويىنشا كوماندالىق-شتابتىق جاتتىعۋلار، اۆاريالىق-قۇتقارۋ قىزمەتتەرىمەن جانە ازاماتتىق قورعاۋ قۇرالىمدارىمەن پراكتيكالىق ءىس-قيمىلدار وتكىزىلەتىن بولادى.
«كوكتەم-2024» ركشو بارىسىندا ەل وڭىرلەرىندە ەلەكتر سيرەنالارىن ىسكە قوسا وتىرىپ، قۇلاقتاندىرۋ جۇيەسىنە تەحنيكالىق تەكسەرۋ جۇرگىزىلەتىن بولادى. بۇل ءىس-شارا حالىققا «بارشانىڭ نازارىنا!» ءبىرىڭعاي قۇلاقتاندىرۋ سيگنالىنا دەن قويۋ ءتارتىبىن داعدىلاندىرۋ ماقساتىندا وتكىزىلەدى. وسىعان بايلانىستى تىنىشتىقتى ساقتاپ، دۇربەلەڭگە تۇسپەۋىڭىزدى سۇرايمىز.