الماتىدا تۇرعىن ءۇيدى بالشىق ماسساسىنان تازارتۋ جانە ادامداردى ىزدەۋ جۇمىستارى جۇرگىزىلۋدە، دەپ حابارلايدى almaty-akshamy.kz الماتى قالاسى توتەنشە جاعدايلار دەپارتامەنتىنە سىلتەمە جاساپ.
ساعات 10:00-دەگى اقپاراتقا سايكەس، الماتىدا كوشكىن جۇرگەن جەردە جەدەل شتاب اشىلدى. قازىرگى ۋاقىتتا جەكە تۇرعىن ءۇيدى بالشىق ماسساسىنان تازارتۋ جانە ادامداردى ىزدەۋ جۇمىستارى جۇرگىزىلۋدە. ىزدەستىرۋ جۇمىستارىنا 182 مامان مەن 32 تەحنيكا جۇمىلدىرىلدى. وقيعا ورنىندا جەدەل مەديسينالىق جاردەم بريگادالارى جۇمىس ىستەۋدە. كوشكىن باسىپ قالعان ۇيلەردىڭ تۋىستارى مەن كورشىلەرىنە شۇعىل پسيحولوگيالىق كومەك كورسەتىلدى.
«الماتى قالاسى توتەنشە جاعدايلار دەپارتامەنتى مەن رەسپۋبليكالىق جەدەل-قۇتقارۋ جاساعىنىڭ كۇشتەرى ءۇيىندى استىنان ءبىر ەر ادامنىڭ دەنەسىن تاپتى»،- دەپ حابارلادى دەپارتامەنتتەن.
ىزدەۋ-قۇتقارۋ جۇمىستارى جالعاسۋدا.