قازاقستان تەرريتورياسىنىڭ باسىم بولىگىندە قار جاۋدى.
الماتى قالالىق توتەنشە جاعدايلار دەپارتامەنتى «قازگيدرومەت» مالىمەتتەرىنە جۇگىنە وتىرىپ، اۋا رايىنا قاتىستى ەسكەرتۋ جاريالادى، دەپ حابارلايدى Almaty-akshamy.kz.
15-16 اقپاندا الماتىدا قالىڭ قار جاۋىپ، تۇمان ءتۇسىپ، كوكتايعاق بولادى. جولدا ءجۇرۋ، كورۋ مۇمكىندىگى قيىندايدى.
وسىعان وراي قۇتقارۋشىلار جۇرگىزۋشىلەرگە اۆتوكولىكتەرىن اعاشتاردىڭ، ەلەكتر جەلىلەرىنىڭ جانە باسقا دا ءىلىنىپ تۇرعان قۇرىلىمداردىڭ استىنا قويماۋعا كەڭەس بەرەدى.
ەسكە سالايىق، بۇگىن سولتۇستىك-باتىس سيكلونىنا بايلانىستى ق ر تەرريتورياسىنىڭ باسىم بولىگىندە قار جاۋدى.
رەسپۋبليكا بويىنشا كەي جەرلەردە تۇمان، بۇرقاسىن، ەلىمىزدىڭ وڭتۇستىگى، وڭتۇستىك-شىعىسى جانە وڭتۇستىك-باتىسىندا كوكتايعاق بولادى، باسىم بولىگىندە جەل كۇشەيەدى.