قازگيدرومەت 16 جەلتوقسان كۇنگى اۋا رايى بولجامىن جاريالادى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستان اۋماعىنىڭ باسىم بولىگىنە ءالى دە موڭعول انتيسيكلونى اسەر ەتەتىن بولعاندىقتان جاۋىن-شاشىنسىز اۋا رايى ساقتالادى. تەك قيىر باتىستا جانە ەلدىڭ وڭتۇستىگىندەگى تاۋلى ايماقتاردا اتموسفەرالىق فرونتالدى بولىكتەردىڭ وتۋىمەن ازداعان قار، باتىستا كوكتايعاق بولادى. وڭتۇستىك-شىعىستا، وڭتۇستىكتە، ورتالىقتا جەل 15-20 م/س كۇشەيەدى. اتىراۋ وبلىسىندا، تۇركىستان، جامبىل وبلىستارىنىڭ تاۋلى اۋداندارىندا تۇمان كۇتىلەدى.