كوكشەتاۋ قالاسىندا پرەزيدەنت قاسىم-جومارت توقايەۆ جاريالاعان جۇمىسشى ماماندىقتار جىلى اياسىندا «قۇرمەت ساعان، قۇرىلىسشى!» اتتى رەسپۋبليكالىق ايتىس ۇيىمداستىرىلدى.
شاراعا ەلىمىزدىڭ ءار وڭىرىنەن بەلگىلى ايتىسكەرلەر جينالىپ، ەڭبەك ادامدارىنىڭ مارتەبەسىن جىر ارقاۋىنا اينالدىردى. ايتىستىڭ باس دەمەۋشىسى – «جاكۋپوۆ» جك قۇرىلىس كومپانياسى.
اقمولا وبلىسىنىڭ اكىمى مارات احمەتجانوۆ ايتىستىڭ اشىلۋ سالتاناتىندا قۇرىلىسشىلاردىڭ ەل دامۋىنا قوسقان ۇلەسىن اتاپ ءوتتى. ايتىستى بەلگىلى اقىن، قوعام قايراتكەرى امانجول التايەۆ جۇرگىزىپ، قازىلار القاسىنا تانىمال عالىمدار مەن مادەنيەت قايراتكەرلەرى ەندى.
ساحنا تورىندە شىمكەنت، پاۆلودار، اقتوبە، الماتى، تۇركىستان، جامبىل جانە اقمولا وبلىستارىنان كەلگەن ايتىسكەر اقىندار ءسوز سايىسىنا ءتۇستى.
مادەني شارا حالىقتىڭ ەڭبەك ادامدارىنا دەگەن قۇرمەتىن ايشىقتاپ، جۇمىسشى ماماندىقتارىنىڭ ابىرويىن ارتتىرۋعا ىقپال ەتتى.