ءورت اۋماعى 35 شارشى مەتردى قۇرادى
16 اقپاندا كوكشەتاۋدا جانار-جاعارماي تاسيتىن 2 اۆتوسيستەرنا وتقا وراندى. ءورت كەزىندە بەكەتتىڭ وپەراتورى قازا تاپتى، دەپ حابارلايدى Almaty-akshamy.kz اقمولا وبلىستىق تجد-عا سىلتەمە جاساپ.
كوكشەتاۋ قالاسىنداعى سولتۇستىك يندۋستريالىق ايماقتا "Qazaqoil" اۋماعىندا، تيەۋ-تۇسىرۋ ستانساسىنداعى 2 جانار-جاعارماي تاسيتىن سيستەرنالار وتقا وراندى. ءورت ساعات 11-05-تە وقشاۋلانىپ، 20 مينۋت ىشىندە تولىقتاي اۋىزدىقتالدى. ءورت اۋماعى 35 شارشى مەتردى قۇرادى، دەپ حابارلايدى تجد.
"ءورت سالدارىنان جانار-جاعارماي قۇياتىن اۆتوسيستەرنادا بولعان 1988 جىلعى اتالعان بەكەتتىڭ وپەراتورى قازا تاپتى"،- دەلىنگەن تجد حابارلاماسىندا.
ءورتتىڭ شىعۋ سەبەبى انىقتالۋ ۇستىندە.