تۇركيانىڭ يزنيك قالاسىندا ءوتىپ جاتقان IV دۇنيەجۇزىلىك كوشپەندىلەر ويىندارىنىڭ العاشقى كۇنگى ناتيجەسى بەلگىلى بولدى.
كوكپاردان ەل قۇراماسى وزبەكستاندى 8:1 ەسەبىمەن جەڭىپ، كەلەسى اينالىمعا ءوتتى. قازاقستاندىقتار قاتارىنان قۇرمانبەك تۇرعانبەك ءۇش سالىم سالسا، ابىلايحان نىشانبەكوۆ، ارمان جامالبەكوۆ، ىنتىماق الىپبايەۆ، يسلام ءرات، اينابەك بەردىقۇل ءبىر-بىر سالىمعا يە بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءداستۇرلى ساداق اتۋدان قاسىمحان قانات، الي سەسسيگۋزەل، ازامات نۇرتايەۆ جارتىلاي فينالعا جولداما الدى.
سونداي-اق، ايەلدەر اراسىندا ايىم تىلەپبەرگەن مەن اياۋلىم اپپازوۆا ۇزدىك 16 مەرگەننىڭ قاتارىنا ەندى.
كوشپەندىلەر ويىندارىنا الەمنىڭ 102 ەلىنەن 3 مىڭنان استام سپورتشى قاتىسۋدا. قازاقستاننىڭ اتىنان 50 سپورتشى سايىستىڭ بەس تۇرىنەن ب ا ق سىناسادى. ولار – كوكپار، قازاق كۇرەسى، ءداستۇرلى ساداق اتۋ، جامبى اتۋ، كوكبورى.
ەسكە سالساق، IV دۇنيەجۇزىلىك كوشپەندىلەر ويىندارىنىڭ سالتاناتتى اشىلۋ ءراسىمى ءوتتى.