ادىستەمەلىك قۇرال كوكپار تارتۋدى ۇيرەنەم دەگەن بالالارعا ۇسىنىلادى.
قازاقستاندا العاش رەت «كوكپار سپورتىنىڭ وقۋ ادىستەمەلىك قۇرالى» دايىندالدى، دەپ حابارلايدى Almaty-akshamy.kz Baq.kz cىلتەمە جاساپ.
الايدا تاۋەلسىزدىك العالى بەرى بۇل سپورتتىق وقۋ-ادىستەمەلىك قۇرالى جاسالماعان ەدى. بۇل ولقىلىقتىڭ ورنىن ق ر ۇلتتىق سپورت قاۋىمداستىعى تولتىردى. بەلگىلى كوكپارشىلار، جاتتىقتىرۋشىلار مەن تاجىريبەلى مامانداردىڭ قاتىسۋىمەن ەلىمىزدە العاش رەت «كوكپار سپورتىنىڭ وقۋ ادىستەمەلىك قۇرالى» دايىندالدى.
«باستى ماقساتىمىز – قازاق كوكپارىنىڭ، سونىڭ ىشىندە كوماندالىق كوكپاردىڭ دامۋىنا، كوكپار تارتۋدى ۇيرەنەم دەگەن بالالارعا، ۇيرەتەم دەگەن باپكەرلەرگە، كوكپار سپورتى كەنجەلەپ قالعان وڭىرلەرگە ءوزىمىزدىڭ بىلگەنىمىزدى، ءوز باسىمىزدان وتكەن، ەلمىزگە تانىمال كوكپارشىلاردىڭ باسىنان وتكەن كوكپارعا قاتىستى تاجىريبەنى ورتاعا سالۋ. سولاردىڭ ۇيرەنۋىنە، مەڭگەرۋىنە از دا بولسا سەپ بولسىن دەگەن نيەت»، – دەيدى وقۋ قۇرالىن دايىنداعان مامانداردىڭ ءبىرى ءارى وسى وقۋ قۇرالىنىڭ اۆتورى، كوكپاردان ق ر باس باپكەرى، ق ر ەڭبەك سىڭىرگەن جاتتىقتىرۋشى قۋانىشبەك قۇرامايەۆ.
بۇرىن-سوڭدى كوكپار سپورتىنان ادىستەمەلىك قۇرال جازىلدى دەگەندى ەستىمەپپىز. ال 2021 جىلعى مالىمەت بويىنشا، ۇلتتىق سپورت تۇرلەرىنەن وبلىس ورتالىقتارىندا 12 مەكتەپ، 5 كلۋب بار. ونىڭ سىرتىندا 3 ورتالىق ۇلتتىق سپورت ءۇشىن جۇمىس ىستەپ تۇر. ءبىراق ەشقانداي وقۋ-قۇرالىنسىز.
وقۋ قۇرالىنىڭ دايىندالۋىنا ۇلتتىق ات سپورتى بويىنشا ق ر مەملەكەتتىك جاتتىقتىرۋشى، ق ر ەڭبەك سىڭىرگەن جاتتىقتىرۋشى نۇركەن بايبورييەۆ، كوكپاردان ق ر باس باپكەرى، ق ر ەڭبەك سىڭىرگەن جاتتىقتىرۋشى قۋانىشبەك قۇرامايەۆ، كوكپاردان الماتى وبلىسىنىڭ اعا باپكەرى دەربىسالى بايدىلدايەۆ، ق ر ەڭبەك سىڭىرگەن جاتتىقتىرۋشى جانىسبەك سايەۆ جانە ق ر ەڭبەك سىڭىرگەن جاتتىقتىرۋشى نۇرداۋلەت مومىنوۆ سياقتى ماماندار ەڭبەك سىڭىرگەن.
سونىمەن قاتار وقۋ قۇرالى كوكپار سپورتىن مەڭگەرەم دەگەن جاستىڭ قانداي جاتتىعۋ جاساپ، كوكپار اتىن قالاي دايىنداۋىنا دەيىن، ءتىپتى كوكپار شاباتىن اتتى قالاي تاڭداپ الۋعا بولاتىنىنا دەيىن سىزبا-يلليۋستراسيامەن تولىقتىرىلعان. يلليۋستراسيانى ۇلان مۇپتەكە جاسادى.
وقۋلىقتى دايىنداۋ بارىسىندا تاراز قالاسىنداعى سپورت ورتالىقتارى مەن «اۋليەاتا» كوكپار كومانداسىنىڭ جاتتىعۋ بازاسى پايدالانىلدى.
ادىستەمەلىك قۇرال كوكپار تارتۋدى ۇيرەنەم دەگەن بالالارعا، ۇيرەتەم دەگەن باپكەرلەرگە كومەكشى رەتىندە ۇسىنىلادى.