اۋىل شارۋاشىلىعى ءمينيسترى ەربول قاراشوكەيەۆ ۇكىمەت وتىرىسىنىڭ كۋلۋارىندا كوكونىستەردىڭ باعاسى تۋرالى ايتتى، دەپ حابارلايدى Almaty-akshamy.kz.
«ماۋسىم ايىندا وتكەن جىلدىڭ قورى تاۋسىلىپ، جاڭا ونىمدەر كەلەدى. ال ەرتە پىسكەن كوكونىستەر ءسال قىمباتتىراق. كوكونىستەر وڭتۇستىكتەن جانە ىرگەلەس مەملەكەتتەردەن كەلەدى. ءبىز كوكونىس قويمالارىنىڭ سانىن كوبەيتۋ جوسپارلارىن قايتا قاراستىرامىز. وتكەن جىلى ءبىز 2021-2022 جىلدارعا ارنالعان جوسپاردى 110%-عا اسىرا ورىندادىق، بيىل ءبىز جوسپارلاردى ۇلعايتۋدى قايتا قارايمىز. ءبىز كولەمى 100 مىڭ توننادان اساتىن كوكونىس قويمالارىن سالامىز. ءقازىر ءبىز سۋبسيديالاۋ ەرەجەلەرىنە وزگەرىستەر ەنگىزىپ جاتىرمىز. ەگەر بۇرىن كوكونىس ساقتاۋ قويمالارى قۇرىلىسىنىڭ 25% سۋبسيديالانعان بولسا، توڭازىتقىش جابدىعى بار كەزدە بۇل كورسەتكىشتى 40%-عا، ال رەتتەلەتىن گاز ورتاسى بولسا 50%-عا دەيىن جەتكىزەمىز. ول جەمىستەردى ساقتاۋ كەزىندە كوبىرەك قولدانىلادى»، - دەدى مينيستر ۇكىمەت كۋلۋارىندا.