قازاقستاندا سوڭعى اپتادا پياز، ءسابىز، كارتوپتىڭ باعالارى ايتارلىقتاي ءوستى.
ۇلتتىق ستاتيستيكا باسقارماسىنىڭ مالىمەتىنشە، 14-24 مامىر ارالىعىندا پيازدىڭ باعاسى 6،1 پايىزعا قىمباتتاعان. اپتا ىشىندە پيازبەن قاتار كارتوپ (3،8 پايىزعا) پەن ءسابىزدىڭ دە (1،4 پايىزعا) باعاسى ءوستى، دەپ حابارلايدى Almaty-akshamy.kz.
ءبىراق اق قىرىققاباتتىڭ باعاسى 10،4 پايىزعا تومەندەدى. بۇل كوكونىستەردىڭ ءبىر كەلىسىنىڭ ورتاشا قۇنى كەلەسىدەي: پياز – 114 تەڭگە، كارتوپ – 160 تەڭگە؛ ءسابىز – 194 تەڭگە؛ قىرىققابات – 138 تەڭگە.
باسقا دا الەۋمەتتىك ماڭىزى بار ازىق-تۇلىك تاۋارلارىنىڭ اراسىندا كۇرىش (جىلىنا 18،4 پايىزعا)، تۇزسىز سارى ماي (11،6 پايىزعا) جانە تاۋىق ەتى (10 پايىزعا) باعاسىنىڭ وسكەنىن اتاپ وتۋگە بولادى.