كوك-جايلاۋدا اۋا رايىنا بايلانىستى ەسكەرتۋدى ەلەمەگەن الماتىلىق قۇتقارىلدى

قۇتقارۋشىلار توبى توڭىپ قالعان 24 جاستاعى ەر ادامدى 2850 مەتر بيىكتىكتەن تاپقان

كوك-جايلاۋدا اۋا رايىنا بايلانىستى ەسكەرتۋدى ەلەمەگەن الماتىلىق قۇتقارىلدى. ەر ادام شاتىر تىككەن، ءبىراق وندا تۇنەي الماعان. جابايى جانۋارلاردىڭ داۋىسىن ەستىگەندە، جوعارى كوتەرىلۋدى شەشكەن، ءبىراق اياعىن جاراقاتتاپ العان، دەپ حابارلايدى Almaty-akshamy.kz Tengrinews.kz-كە سىلتەمە جاساپ.

الماتىنىڭ قۇتقارۋشىلارى زارداپ شەككەن قالا تۇرعىنىن كوك-جايلاۋ شاتقالىنان تاپقان.

قۇتقارۋشىلار توبى توڭىپ قالعان 24 جاستاعى ەر ادامدى 00.19-دا 2850 مەتر بيىكتىكتەن تاپقان. تۋريست اياعىن جاراقاتتاعان، قۇتقارۋشىلار كومەك كورسەتىپ، ونى قالاعا ەۆاكۋاسيالاعان.

ءتۋريستتىڭ ايتۋىنشا، بىرنەشە كۇندى تاۋدا وتكىزىپ، باعىتىن الدىن-الا جوسپارلاعىسى كەلگەن.

ول كوك-جايلاۋ شاتقالىنا كۇندىز كوتەرىلىپ، ءتۇندى تاۋدا وتكىزگىسى، ال كەلەسى كۇنى بەلگىلەنگەن باعىت بويىنشا كوتەرىلگىسى كەلگەن. ول شاتىر تىككەن، ءبىراق وندا تۇنەي الماعان. جابايى جانۋارلاردىڭ داۋىسىن ەستىگەن ەر ادام جوعارى كوتەرىلۋگە شەشىم قابىلداپ، اياعىن جاراقاتتاپ العان.

الماتىنىڭ قۇتقارۋ قىزمەتى الداعى كۇندەرى اۋا رايىنا بايلانىستى جاريالانعان ەسكەرتۋ تۋرالى ەسكە سالدى. تاۋلاردا قار مەن بۇرشاق جاۋىپ، سونداي-اق، قاتتى جەل تۇرۋى مۇمكىن. توتەنشە جاعدايلاردىڭ الدىن الۋ ءۇشىن قۇتقارۋشىلار تاۋلى جەرلەرگە بارۋدان باس تارتۋدى ۇسىندى.