ولاي دەۋگە سەبەپ - قازاقستان ءوزى دە شەتەلگە كوفە ساتاتىن بولعان.
كوفەنىڭ قالالىقتاردىڭ ومىرىنە دەندەپ ەنىپ كەتكەنى سونشالىق، بۇرىن كوفەنى وزگە ەلدەردەن يمپورتتاپ كەلسەك، ەندى ءوزىمىز ەكسپورتتاۋعا كوشكەن ەكەنبىز، دەپ حابارلايدى Almaty-akshamy.kz 24.kz-كە سىلتەمە جاساپ.
ايبەك احانوۆ، كوفە فەستيۆالدەرىن ۇيىمداستىرۋشى:
بۇكىل الەمدە كوفە تۇتىنۋشىلاردىڭ سانى ءوسىپ، كوفە بيزنەسىنىڭ ووكەندەۋ تەندەنسياسى بايقالادى. مىسالى، قازاقستاندا بۇل كاسىپ جىل سايىن 20 پايىزعا ءوسىپ جاتىر. سوعان سايكەس حالىقتىڭ تۇتىنۋ كورسەتكىشى دە جوعارىلاۋدا.
بۇل سۋسىنعا جۇرت تولىق ۇيرەندى دەسەك بولادى. دەسەك تە، كوفەنى ءىشۋ ءتارتىبى مەن مولشەرىن ءبىلىپ، كەرى اسەر ەتۋىنە جول بەرمەيىك دەيدى ماماندار.
فاريزا سەمبايەۆا، نۋتريسيولوگ:
كوفەنى نەگىزى تاڭەرتەڭگى ۋاقىتتا 9.30-11.30-دىڭ اراسىندا ءىشۋ كەرەك. تەك اشقارىنعا ىشۋگە بولمايدى. مىندەتتى تۇردە تاڭعى اسپەن. قان قىسىمى جوعارى كىسىلەرگە، جۇكتى ايەلدەرگە، 14 جاسقا دەيىنگى باللارعا مۇلدە قولدانۋعا بولمايدى.
ەلوردادا ءقازىر 692 كوفەحانا جۇمىس ىستەپ تۇر. ال ءساۋىر ايىندا ەكى گيس قوسىمشاسىنان بۇل ورىنداردى ىزدەۋشىلەردىڭ سانى 415 مىڭنان اسقان. اي سايىن بۇل كورسەتكىش كوبەيمەسە، ازايمايتىن سىڭايلى. سوندىقتان بولار ەلىمىزدە كوفە يمپورتى دا ءوسىپتى.
دالىرەك ايتساق، 2023 جىلى قازاقستان باسقا ەلدەردەن 3100 توننا كوفە ساتىپ الدى. ءبىرىنشى ورىندا رەسەي – 1100 توننا، ەكىنشى ورىندا برازيليا – 823 توننا، ودان كەيىن يتاليا – 426 توننا، نيدەرلاندى – 122 توننا، گەرمانيا - 88، كولۋمبيا – 60، ەفيوپيا – 58 توننا. بۇل 2022 جىلمەن سالىستىرعاندا 5،5 پايىزعا ارتىق كورسەتكىش. ءتىپتى شيكىزاتتى ساتىپ الىپ، ءوز ەلىمىزدە وندىرەتىن شاعىن زاۋىتتار دا جۇمىس ىستەيدى. سونداي ءوندىرىستىڭ ءبىرى ەڭ العاش رەت 2009 جىلى قاراعاندى قالاسىندا اشىلىپتى.
پاۆەل سەريكوۆ، كوفە وندىرەتىن كومپانيا ديرەكتورى:
كوفە ەكۆاتورلىق ايماقتاردا وسەتىندىكتەن ءبىز شيكىزاتتى ەۋروپالىق يمپورتتاۋشىلاردان ساتىپ الىپ، دايىن ونىمگە اينالدىرىپ، كوفكحانالار، مكيرامحانالار، ءتىپتى جەكە ادامدارعا جەتكىزەمىز. ءبىز قازاقستانداعى العاشقى وندىرۋشىلەرمىز. قاراعاندىدا شىعارامىز. سوڭعى 5-6 جىلدا قاتارىمىز كوبەيىپ كەتتى. ءتۇرلى قالادا، ورتالىق قانا ەمەس، وڭىرلەردە دە بار.
ال سوڭعى جىلدارى قازاقستان تەك كوفە يمپورتتاۋشى ەمەس، از كولەمدە بولسا دا رەسەي، قىرعىزستان، وزبەكستان، ازەربايجان، موڭعوليا سەكىلدى ەلدەرگە ەكسپورتتاۋشى ەلگە دە اينالعان. مىسالى، 2023 جىلى قازاقستاننان جالپى قۇنى 829 مىڭ دوللارعا 70 توننا كوفە ساتىلدى.