وسى جىلدىڭ العاشقى ءتورت ايىندا تەمىرجول كولىگى ءوندىرىسىنىڭ ەدۋاىر ءوسىمى بايقالدى.
ماسەلەن، 2024 جىلدىڭ ءقاڭتار-ساۋىر ايلارى ارالىعىندا ديزەل لوكوموتيۆتەرىنىڭ ءوندىرىسى 20 بولدى، بۇل وتكەن جىلدىڭ سايكەس كەزەڭىمەن سالىستىرعاندا 2 ەسە كوپ.
ۆاگوندار ءوندىرىسى دە وسكەن، دەپ حابارلايدى Almaty-akshamy.kz.
وسى جىلدىڭ العاشقى ءتورت ايىندا 50 تەمىرجول، ترامۆاي، وزدىگىنەن جۇرمەيتىن، جولاۋشىلار، باگاج جانە باسقا دا ارنايى ماقساتتاعى ۆاگوندار شىعارىلدى.
بۇل وتكەن جىلدىڭ ءقاڭتار-ساۋىر ايلارىمەن سالىستىرعاندا 8،3 ەسە كوپ.
سونداي-اق، 2024 جىلدىڭ ءقاڭتار-ساۋىر ايلارىندا 400 جۇك ۆاگونى ءوندىرىلدى، ال وتكەن جىلدىڭ ءتيىستى كەزەڭىندە بارلىعى 9 ۆاگون عانا قۇراستىرىلعان.