كوفە ءىش قاتۋدان كومەكتەسەدى
عالىمدار كوفەنىڭ اس قورىتۋ پروسەسىنە اسەر ەتەتىنىن انىقتادى، دەپ حابارلايدى Almaty-akshamy.kz ءتىلشىسى ريا نوۆوستي سايتىنا سىلتەمە جاساپ.
شامامەن ەكى جۇزگە جۋىق عىلىمي جاريالانىمعا جاسالعان شولۋ كوفەنى از مولشەردە – كۇنىنە ۇش-بەس كەسەدەن ىشسە، اس قورىتۋ جۇيەسىنە زيانسىز ەكەنىن، كەرىسىنشە، ءوت قابىندا تاس ءتۇزىلۋ، پانكرەاتيت جانە بۇيرەكتىڭ كەيبىر اۋرۋلارى ءقاۋپىن باساتىنىن كورسەتكەن. زەرتتەۋ ناتيجەلەرى Nutrients جۋرنالىندا جاريالانعان.
اسقازان- ىشەك تراكتىنە كوفەنىڭ ءۇش نەگىزگى اسەرى بار: استى قورىتۋعا قاجەت اسقازانعا، ءوت جانە پانكرەاتتىق (ۇيقى بەزى) سەكرەسياعا، ىشەكتى ميكروبيوتيكاسىنا جانە پەريستالتيكاعا – اس قورىتۋ تراكتى ارقىلى استىڭ وتۋىنە قاجەت توق ىشەك قابىرعالارىنىڭ جيىرىلۋىنا اسەر ەتەدى.
194 زەرتتەۋ ناتيجەلەرىنىڭ تالداۋى كوفەنى ورتاشا مولشەردە قولدانۋ اس قورىتۋ پروسەستەرىنە اسەر ەتىپ، توق ىشەك ارقىلى وتۋگە كومەكتەسەدى، ىشەكتەگى «جاقسى باكتەريالار» مولشەرىن كوبەيتىپ، ءوت تاستارىنىڭ ءتۇزىلۋ ءقاۋپىن ازايتادى، سونىمەن بىرگە، باۋىرعا قورعانىش ارەكەتىن كورسەتەدى. سونىڭ ىشىندە، قاتەرلىك تۇزىلۋلەردەن، بۇيرەك راگىنىڭ كەڭ تارالعان تۇرلەرىنىڭ ءبىرى - گەپاتوسەليارلى كارسينومادان قورعايدى.
«كەيبىر بولجامدارعا قاراماستان، كوفەنى تۇتىنۋ ىشەك جانە اس قورىتۋ پروبلەمالارىنا بايلانىستى ەمەس، - دەلىنگەن فرانسۋز عىلىمي اقپارات ينستيتۋتى زەرتتەۋلەرىنىڭ قورىتىندىسى بويىنشا كەلتىرىلگەن باسپا ءسوز رەليزىندەگى شولۋدىڭ اۆتورى دارىگەر استريد نەليگتىڭ سوزىندە. – كەيبىر جاعدايلاردا كوفە اس قورىتۋعا قاتىستى كەڭ تارالعان شاعىمدارعا قارسى كومەكتەسەدى. جاڭا دەرەكتەر كوفەنى تۇتىنۋ بيفيدوباكتەريالار سياقتى ىشەكتىڭ پايدالى باكتەريالىق توپتارىنىڭ دەڭگەيىن ارتتىرۋعا كومەكتەسەدى».
ناتيجەلەر كوفەنىڭ اس قورىتۋ گورمونى – گاستريننىڭ جانە اسقازان ءسولىنىڭ تۇز قىشقىلىنىڭ بولىنۋىنە اسەر ەتەتىنىن كورسەتتى. بۇلاردىڭ ەكەۋى دە اسقازانداعى تاماقتى بولشەكتەۋگە كومەكتەسەدى. سونىمەن قاتار، كوفە ءوتتىڭ ءبولىنۋىن كوبەيتەتىن گارمون – حولەسيستوكينين سەكرەسياسىن جاقسارتادى، سونىمەن بىرگە اس قورىتۋعا قاتىسادى.
قارالعان دەرەكتەر كوفەنىڭ توق ىشەك موتوريكاسىن سۋعا قاراعاندا 60 پايىزعا جاقسىراق اسەر ەتەتىنىن جانە كوفەينسىز كوفە الماستىرعىشتارعا قاراعاندا 23 پايىزعا جاقسىراق اسەر ەتەتىنىن كورسەتكەن. اۆتور مۇنىمەن كوفەنىڭ سوزىلمالى ءىشتىڭ قاتۋىن كەتىرەتىن قاسيەتى بار دەپ سانايدى.
«ءبىراق كوفەنىڭ اس قورىتۋ تراكتىنە اسەرىن ءتۇسىنۋ ءۇشىن قوسىمشا مالىمەتتەر قاجەت، بۇل وتە ۇمىتتەندىرىپ وتىرعان بولجامنىڭ باستاماسى» - دەپ اتاپ ءوتتى نەليگ.
كوفەنىڭ اس قورىتۋ جۇيەسىنە كەرى اسەرى جايلى كوپتەگەن كۇدىكتەر راستالمادى. جەكەلەي العاندا، عالىم كوفەنى ءجيى قولدانۋ ىشەك-اس قورىتۋ رەفليۋكسىن تۋدىرادى دەگەن پىكىردى جوققا شىعاردى. اۆتوردىڭ ويىنشا، ءقاۋىپ فاكتورى كوبىنە-كوپ بىرىكتىرىلگەن نەمەسە ءادديتيۆتى فاكتورلارى – سەمىزدىكتەن جانە دۇرىس تاماقتانباۋدان بولاتىن كورىنەدى.