قازاقستان رەسپۋبليكاسىنىڭ چەح رەسپۋبليكاسىنداعى ەلشىلىگى مەن KAZAKH INVEST ۇيىمداستىرعان ساپارى اياسىندا الماتى، نۇر-Cۇلتان قالالارىنىڭ اكىمدىكتەرىندە جانە «قازاقستان تەمىر جولى» ۇك» اق-دا كەزدەسۋلەر ءوتتى. وندا چەح كومپانيالارى مەگاپوليستەردى كولىكپەن قامتاماسىز ەتۋدەگى جانە قوعامدىق كولىكتى جاڭعىرتۋداعى ىنتىماقتاستىق پەرسپەكتيۆالارىن تالقىلادى.
KAZAKH INVEST پەن «Škoda Transportation» جانە «Elektrotechnika» چەح كومپانيالارىنىڭ وكىلدەرى اراسىنداعى كەزدەسۋدە قازاقستاندا وندىرىستىك قۋاتىن ورنالاستىرۋ پەرسپەكتيۆالارى تالقىلاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋ بارىسىندا «Škoda Transportation» وڭىرلىك ديرەكتورى رومان سوركين مەن «Elektrotechnika» بيزنەستى دامىتۋ جونىندەگى ديرەكتورى ليبور نوۆاك چەح دەلەگاسياسىنىڭ قازاقستانعا ساپارىن ۇيىمداستىرۋعا كومەكتەسكەنى ءۇشىن KAZAKH INVEST-كە العىس ايتىپ، ەكىجاقتى ينۆەستيسيالىق ىنتىماقتاستىققا قىزىعۋشىلىق ءبىلدىردى.
ءوز كەزەگىندە «KAZAKH INVEST» ۇك» اق باسقارما ءتوراعاسى مەيىرجان يۋسۋپوۆ ماشينا جاساۋ سالاسىنداعى ينۆەستيسيالىق جوبالاردى دامىتۋ قازاقستان ەكونوميكاسىنىڭ باسىم سەكتورلارىنىڭ ءبىرى سانالاتىنىن اتاپ ءوتىپ، جوبالاردى ودان ءارى قولداۋدى راستادى. چەح كومپانيالارى ستراتەگيالىق جانە تەحنولوگيالىق ينۆەستورلار رەتىندە قازاقستاندا تروللەيبۋستار مەن ەلەكتروبۋستار ءوندىرىسىن وقشاۋلاۋ مۇمكىندىگىن زەردەلەۋدە.
«Škoda Transportation» كومپانياسى - مەترو، ترامۆاي، تروللەيبۋس، تەمىرجول ۆاگوندارى، ەلەكتر پويىزى جانە ەلەكتر اۆتوبۋستارى سياقتى كولىك تۇرلەرىنىڭ جەتەكشى ەۋروپالىق وندىرۋشىلەرىنىڭ ءبىرى. «Elektrotechnika» كومپانياسى - مەترو مەن تەمىرجول كولىگىنە ارنالعان ترامۆاي جانە تروللەيبۋس جەلىلەرىنە ارنالعان ءارتۇرلى تيپتەگى تارتقىش جۇيەلەردىڭ ءىرى ءوندىرۋشىسى.