ۇندەۋ اۆتورى 23 جاستا. ول – الماتى قالاسى مەدەۋ اۋدانىنىڭ تۇرعىنى.
جاس جىگىت ءوز ۇندەۋىندە پوليسيا قىزمەتكەرلەرىنە العىسىن ءبىلدىرىپ، ولاردىڭ كاسىبي جۇمىستارىن اتاپ وتكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل - ءوز حالقىنا، بەيبىت تۇرعىندارعا قىزمەت ەتىپ، قورعاپ بورىشتارىن وتەيتىن ادامدار. سولاردىڭ ارقاسىندا تىنىش ۇيىقتاپ، بەيبىت ءومىر ءسۇرىپ جاتىرمىز. قاڭتار وقيعاسىنداعى پوليسيا قىزمەتكەرلەرىنىڭ ەرەن مىنەز-قۇلقىن اتاپ وتەيىن. ولار وزدەرىنىڭ باتىلدىعى مەن ەرجۇرەكتىگىن تاعى ءبىر رەت دالەلدەدى. مەن كەز كەلگەن ۋاقىتتا ءتارتىپ ساقشىلارىنا كومەككە كەلىپ، ولاردىڭ كەز كەلگەن بۇيرىعىن ورىنداۋعا دايىنمىن. حالىقتى، بەيبىت تۇرعىنداردى قورعاۋ ءۇشىن مەن بارىنە دايىنمىن! ءبىزدى قورعاپ، كومەكتەسەتىندەرىڭىز ءۇشىن ريزاشىلىعىمدى بىلدىرەمىن! سىزدەرگە ۇلكەن راقمەت»، – دەدى ۇندەۋ اۆتورى.