كىتاپ – ادام جان دۇنيەسىنىڭ رۋحاني قازىناسى، اسىل بايلىقتىڭ ولشەمى.
«كىتاپ – كوزى جۇمىققا ارزان، كوزى اشىققا مارجان» دەمەكشى، الەمنىڭ بارلىق اسىلى كىتاپتى سۇيەتىن ادامعا سىي رەتىندە بەرىلەدى. كىتاپ وقۋ تەك رۋحاني ازىق ەمەس، سونىمەن قاتار ادام دەنساۋلىعىنا تىكەلەي اسەر ەتەدى. زەرتتەۋلەرگە سۇيەنسەك، كوپ كىتاپ وقۋ تەك قانا ءبىلىم بەرمەي ادامنىڭ دەنساۋلىعىنا دا كوپتەگەن پايداسىن تيگىزەدى ەكەن. ءار بۇلشىق ەتتى شىنىقتىرىپ، جەتىلدىرىپ وتىرعان سايىن ادامنىڭ فيزيكالىق جاعدايى جاقسارىپ، دەنساۋلىققا جاقسى سەپ تيگىزەدى. ءار جاتتىعۋلار سايىن جاڭا مۇمكىنىشىلىكتەر ارتىپ، كۇش كوبەيىپ وتىرادى. ەگەر جاتتىعۋلار مۇلدەم جاسالىنبايتىن بولسا، بۇلشىق ەتتەر قىزمەت جاسامايتىن بولسا ارتى جاعىمسىز ناتيجەلەرگە اكەلەدى. سول ءتارىزدى ادامنىڭ ميى دا جاتتىعۋلاردى قاجەت ەتەدى. ال كىتاپ وقۋ – مي ءۇشىن ەڭ قاجەت جاتتىعۋلاردىڭ ءبىرى. ءار كىتاپتى زەيىن قويىپ وقىعان سايىن ادام سترەسستىك جاعدايلاردان ارىلىپ، تىنىشتىققا بولەنەدى، جانە دە كىتاپتى كوپ وقىعان ادامدار السگەيمەر، ۇمىتشاقتىق ءتارىزدى اۋرۋلارعا دۋشار بولۋ پايىزى تومەندەيدى. كىتاپتى كوپ وقىعان ادامنىڭ سوزدىك قورى كوبەيىپ، ەستە ساقتاۋ قابىلەتى اجەپتاۋىر جوعارىلايدى.
قازىرگى تاڭدا جاھاندانۋ زامانىندا جاسوسپىرىمدەردىڭ كىتاپ وقۋعا دەگەن نيەتتەرى تومەندەپ بارا جاتىر، ءار ءتۇرلى گادجەتتەردىڭ، بالانىڭ نازارىن اۋلايتىن ەلەكتروندى دۇنيەلەردىڭ كەسىرىنەن وقۋشىلاردىڭ كىتاپقا دەگەن قىزىعۋشىلىقتارى تومەندەۋدە. جاسوسپىرىمدەردى كىتاپ وقۋعا باۋلۋ، الەمدىك جانە قازاق جازۋشىلارىنىڭ شىعارمالارىمەن تانىستىرۋ ماقساتىندا الماتى قالاسى، ناۋرىزباي اۋدانى، №176 مەكتەپ-گيمنازياسىندا اعىلشىن ءتىلى ونكۇندىگى اياسىندا 8-سىنىپتار اراسىندا «Reading in our life» اتتى سىنىپتان تىس ءىس-شارا وتكىزىلدى. ءىس-شارا وقۋشىلاردىڭ قىزىعۋشىلىقتارىن ارتتىرۋ ماقساتىندا سايىس فورماتىندا وتكىزىلدى. سايىس بارىسىندا كىرىسپە رەتىندە كىتاپ تۋرالى قىزىقتى اقپاراتتار، قازاق جانە اعىلشىن تىلىندەگى ماقال-ماتەلدەر، بەرىلگەن ماقالداردىڭ ماعىناسىن اشۋ سىندى تاپسىرمالار، وقۋشىلاردىڭ كىتاپ وقۋعا دەگەن كوزقاراستارى، سۇيىكتى شىعارمالارى سىندى تاقىرىپتار تالقىلاندى. سايىسقا قاتىسقان وقۋشىلار: 8 «ا» سىنىپ وقۋشىلارى – بەكتۇرسىن ەراسىل، مومباي سىرىم، توحتامىس سۇيەنىش، 8 «ءا» سىنىپ وقۋشىلارى – امانگەلدى ءادىل، كارجاسوۆا ايدانا، 8 «گ» سىنىپ وقۋشىسى – جانسەيىت دانيەل، 8 «د» سىنىپ وقۋشىلارى – جالعاسوۆا ايزەرە، ابدۋللايەۆا ارۋجان. سايىس تولىقتاي اعىلشىن تىلىندە جۇرگىزىلىپ، جالپى 5 كەزەڭنەن تۇردى. توپقا ءبولۋ سۋرەتتەردىڭ بولىكتەرىن بىرىكتىرۋ ارقىلى جۇزەگە اسىرىلدى. العاشقى كەزەڭدە وقۋشىلار توپتىڭ اتاۋىن جانە ۇرانىن ويلاپ تاۋىپ، قورعادى. ماقال-ماتەلدەردى اياقتاۋ، بەرىلگەن شىعارمالاردى اۆتورلارىمەن سايكەستەندىرۋ، كىتاپ جانرلارى بويىنشا سوزدەردى قۇراستىرۋ جانە سۇراقتارعا جاۋاپ بەرۋ سياقتى كەزەڭدەردەن تۇردى. وقۋشىلار بەلسەندى تۇردە قاتىسىپ، اعىلشىن تىلىندە ءوز ويلارىن ەركىن جەتكىزە ءبىلدى. سايىس بارىسىندا وقۋشىلار ءار كەزەڭ سايىن ستيكەرلەر ارقىلى باعالاندى.
ءىس-شاراعا مەكتەپ-گيمنازيا ديرەكتورى نۋرجامال ەسيركەپوۆنا ديرەكتوردىڭ وقۋ ءىسى جونىندەگى ورىنباسارى كاليا ۋاليبەكوۆنا، اعىلشىن ءتىلى بىرلەستىگىنىڭ جەتەكشىسى جاننا ابزالوۆنا جانە اعىلشىن ءتىلى ءپانى مۇعالىمدەرى قاتىستى.
كورەرمەن رەتىندە قاتىسۋشىلارعا دا قىزىقتى سۇراقتار قويىلىپ، ءىس-شاراعا بەلسەندى تۇردە ارالاستى. مەكتەپ-گيمنازيا ديرەكتورى ءىس-شارا بويىنشا ءوز ويىن ءبىلدىرىپ، جوعارى دەڭگەيدە وتكىزىلدى دەگەن باعا بەردى. وقۋشىلاردىڭ اعىلشىن تىلىندە ەركىن سويلەپ، بەلسەندى تۇردە كەز كەلگەن تاپسىرمانى جەدەل ورىنداۋلارىن ەرەكشە اتاپ ءوتتى. جالپى ءىس-شارا ءوز ماقساتىنا جەتىپ، وقۋشىلاردىڭ رۋحاني ازىعىن ارتتىردى. بارلىق قاتىسۋشىلار مەكتەپ-گيمنازيا ديرەكتورى اتىنان ديپلوممەن ماراپاتتالدى.