ىشكى ىستەر ءمينيسترىنىڭ ورىنباسارى ساكەن سارسەنوۆ استانا مەيرامحاناسىنداعى كىسى ءولىمى بويىنشا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ۇستالعانىن راستادى، دەپ حابارلايدى اlmaty-akshamy.kz.
«كەشەگى قايعىلى وقيعانىڭ ءمان-جايى انىقتالدى ما؟ بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ اتى اتالىپ جاتىر. قوعامدىق ورىندا كىسى ولىمىنە قالاي جول بەرىلگەن؟»، - دەپ سۇرادى جۋرناليست.
ءمينيستردىڭ ورىنباسارى بۇل سۇراققا قىسقا جاۋاپ قايىردى.
«ول ۇستالدى، ءقازىر تەرگەۋ شارالارى ءوتىپ جاتىر. قالعانىنا پىكىر بىلدىرە المايمىن. جۇمىس اياسىندا سىزدەرگە قوسىمشا مالىمەت بەرىلەدى»،-دەدى.
ب ا ق وكىلدەرى ولىمگە جول بەرگەن مەيرامحانا قىزمەتكەرلەرىنىڭ جاۋاپكەرشىلىگى تۋرالى سۇرادى.
«ءقازىر وسى ىسپەن تەرگەۋ دەپارتامەنتىنىڭ قىزمەتكەرلەرى اينالىسىپ جاتىر. مەنىڭ ويىمشا، كەيىن ولار حابارىن بەرەدى»، - دەدى ساكەن سارسەنوۆ.