شوتلانديانىڭ ابەردين قالاسىندا ءوتىپ جاتقان كورلينگتەن ارالاس كوماندالار اراسىنداعى الەم چەمپيوناتى بەل ورتاسىنا جەتتى. قازاقستان تاريحتا العاش رەت الەم چەمپيوناتىنىڭ پلەي-وفف كەزەڭىنە جولداما الدى، دەپ حابارلايدى aqshamnews.kz.
ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتىنىڭ حابارلاۋىنشا، ۇلتتىق قۇراما ە توبىنداعى 6-تۋردا ۋكراينا ويىنشىلارىنان باسىم ءتۇستى. تارتىستى ماچتىڭ ەسەبى - 8-7. ال قاتار وتكەن كەزدەسۋدە نەگىزگى قارسىلاس شۆەيساريا جەڭىلىپ قالدى. وسىلايشا، قازاقستان تاريحتا العاش رەت الەم چەمپيوناتىنىڭ پلەي-وفف كەزەڭىنە جولداما الدى.
وسىعان دەيىنگى قازاقستاننىڭ كورسەتكىشى:
- 2018 جىلى 34-ورىن (35 كوماندا)
- 2019 جىلى 21-ورىن (40 كوماندا)
- 2020-2021 جىلى الەم چەمپيوناتى وتكەن جوق.
ەرتەڭ، 18 قازاندا ابىلايحان ءجۇزباي، تىلسىماي اللياروۆا، ايدوس الليار مەن مەرەي تاستەمىر سوڭعى تۋردا بەلگيامەن وينايدى. ال 18 قازاندا - 1/8 اينالىم مەن شيرەك فينال. جارتىلاي فينال مەن فينال 19 قازانعا جوسپارلانعان.