شەشىمىن تاپپاي كەلە جاتقان تاعى ءبىر ماسەلە 105 بۇيرىق بەكىتىلدى
الەمدىك دودادالاردا توپ جارعان سپورتشىلارعا بەرىلەتىن زەينەتاقى 4 ەسەگە وسەدى. بۇل تۋرالى مادەنيەت جانە سپورت مينيسترلىگى مالىمدەدى.
ولاردىڭ اي سايىنعى تولەماقى دەڭگەيى وسىعان دەيىن 76 مىڭ تەڭگە بولسا، ەندى بۇل قاراجات 318 مىڭ تەڭگەگە دەيىن كوتەرىلەدى. سونداي-اق بيىل تورەشىلەردىڭ دە جالاقىسى وسەتىن بولدى، دەپ حابارلادى "حابار 24".
جالپى قازاقستاندىق سپورتشىلاردىڭ ءدۇبىرلى دودالارداعى ناتيجەسى جامان ەمەس. اتاپ ايتساق، الەم جەنە ازيا چەمپيوناتتارىندا ەل سپورتشىلارى جىل باسىنان بەرى 133 التىن، 135 كۇمىس، 148 قولا جۇلدەنى يەلەنگەن.
"شەشىمىن تاپپاي كەلە جاتقان تاعى ءبىر ماسەلە 105 بۇيرىق بەكىتىلدى. ۇلتتىق وليمپيادا كوميتەتى ۇلتتىق قۇراما كوماندالاردى دايىنداۋمەن اينالىسقالى 2017 جىلدان بەرى ولارعا ارنالعان سپورتتىق جابدىقتار ساتىپ الىنباعان. ەندى بۇل ماسەلە ءوز شەشىمىن تاۋىپ، سپورتشىلارىمىزعا سپورتتىق جابدىقتاردى ساتىپ الۋ الدەقايدا جەڭىل بولادى"، - دەدى مسم سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى بەكبولات بايجانوۆ.