پوليسيا دەمالىسقا باراتىن الماتىلىقتارعا وسىنداي كەڭەس بەردى.
قالا پوليسياسىنىڭ رەسمي وكىلى سالتانات ازىربەك وڭتۇستىك استانانىڭ تۇرعىندارىنا ءوز مۇلكىن قورعاۋ ءۇشىن قاراپايىم ەرەجەلەردى ساقتاۋ كومەكتەسەتىنىن ايتتى، دەپ حابارلايدى aqshamnews.kz
"قىلمىسكەرلەر دە جەلىنى باقىلاپ وتىرادى، ولار ينتەرنەت كەڭىستىكپەن جاقسى تانىس. ماسەلەن، كوپشىلىك الدىندا جۇرگەن تۇلعانىڭ "ءبىز 10 كۇندىك دەمالىسقا كەتتىك" دەگەن اقپاراتى، ول ءۇشىن "ۇيدە ەشكىم جوق، كىلت توسەنىشتىڭ استىندا" دەگەندى بىلدىرەدى"،- دەدى ول.
وسىلايشا، سپيكەر الماتىلىقتاردى اقپاراتتىق قاۋىپسىزدىككە شاقىردى.
"كىلتتەردى بۇرىنعىداي گۇلدەردى سۋارۋ، ءۇي جانۋارلارىن تاماقتاندىرۋ ءۇشىن كورشىلەرگە قالدىرىپ كەتپەۋ كەرەك. بۇگىندە ءار نارسەگە قىراعىلىق تانىتقان ءجون. ەگەر پاتەر تومەنگى قاباتتاردا بولسا، تەرەزەلەردى تورمەن جابىقتاعان ماڭىزدى جانە ەڭ قاراپايىم دابىل جۇيەسىن ورناتۋ دا ارتىق ەتپەيدى"،- دەپ اتاپ ءوتتى سالتانات ازىربەك.