ءبىزدىڭ كيىمىمىزدىڭ 70%-ى شيكى مۇنايدان جاسالعان جانە ودان اينالاعا ميكروپلاستيك قالدىقتارى بولىنەدى. مىسالى، پوليەستەردەن جاسالعان كۇرتەنى جۋعان كەزدە سۋعا 250 مىڭعا دەيىن ميكروسكوپيالىق تالشىقتار تۇسەدى، سۋ لاستانادى. ول توپىراققا سىڭەدى.
🔹 ءسان يندۋسترياسىنىڭ قارقىنى ءتىپتى قاتتى: قازىرگى ادامدار 15 جىل بۇرىنعىمەن سالىستىرعاندا، 60%-عا كيىمدى كوپ ساتىپ الادى، گاردەروبىن ءجيى جاڭارتادى.
🔹جىل سايىن 100 ميلليارد دانا نەشە ءتۇرلى كيىم ساتىلادى جانە بۇل كيىمنىڭ 85%-ى قوقىسقا كەتەدى، تەك 1%-ى عانا قايتا وڭدەلەدى.
🔹پلاستيك ءبىزدىڭ دەنەمىزدە دە بار. ادامنىڭ جاسىنا، جىنىسىنا جانە تۇرعىلىقتى جەرىنە بايلانىستى جىلىنا ورتاشا ەسەپپەن 70-120 مىڭ ميكروپلاستيك بولشەكتى سىڭىرەدى. ءبىز ونى اۋادان، سۋمەن جانە تاماقپەن بىرگە جۇتامىز.
🔹 تەك پلاستيك بوتەلكەدەگى سۋدى ىشەتىندەر جىلىنا تاعى 90 مىڭ بولشەكتى دەنەسىنە سىڭىرەدى. بۇل يممۋندىق جۇيەگە اسەر ەتەدى.
🔹پلاستماسسا ۋلى بولۋى دا مۇمكىن. قاجەتتى قاسيەتتەردى بەرۋ ءۇشىن پلاستيككە حيميالىق قوسپا قوسىلادى. پلاستيكتەگى ۋلى زاتتار: بيسفەنول ا (DPA) جانە فتالاتتار.
🔹زەرتتەۋلەر حالىقتىڭ 93 پايىزىنىڭ اعزاسىندا وسى زاتتاردىڭ ءىزى بار ەكەنىن كورسەتتى. ميكروپلاستيك جاڭا تۋعان نارەستەلەردىڭ ميىنا زيان كەلتىرۋى مۇمكىن. فتالاتتار اعزاداعى گورموندى تەپە-تەڭدىكتى بۇزادى.
🔹 مۇناي وڭدەۋ زاۋىتتارىنان كوپتەگەن زياندى زات شىعادى، موز-دەر سۋدى جانە ءارتۇرلى حيميالىق زاتتاردى كوپ تۇتىنادى. ءوندىرىس پروسەسىندە قورشاعان ورتانى لاستايدى.