كيىم وندىرۋشىلەرىنىڭ كوپشىلىگى ءالى كۇنگە دەيىن ادام دەنساۋلىعى مەن قورشاعان ورتاعا ءقاۋىپ توندىرەتىن PFAS (پەرفتورالكيل جانە پوليفتورالكيل زاتتار) نەمەسە «ماڭگى حيميالىق زاتتاردى» پايدالانادى.
بۇل جايىندا islam.kz پورتالى The Guardian اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
Ethical Consumer كومپانياسىنىڭ ەكولوگتارى كەيبىر گاردەروب زاتتارىنىڭ قاۋىپتىلىگى تۋرالى ەسكەرتتى. اتالمىش ۇيىمنىڭ ساراپشىلارى ەتىك، ريۋكزاك جانە سىرت كيىم شىعارۋعا ماماندانعان 27 كومپانيانىڭونىمدەرىن زەرتتەپ كورگەن ەكەن. ونىمدەردىڭ 82 پايىزىندا PFAS بار، ولار قورشاعان ورتادا بيولوگيالىق تۇرعىدان ىدىرامايدى جانە ادام اعزاسىندا جينالۋى مۇمكىن. «ماڭگىلىك حيميالىق زاتتار» جوعارى حولەستەرين، سونداي-اق، بەدەۋلىك پەن قاتەرلى ىسىك ءقاۋپىن ارتتىرۋى مۇمكىن.
PFAS ماتانىڭ سۋ وتكىزبەۋىنە جانە كيىمنىڭ وڭايشىلىقپەن كىرلەمەۋىنە كومەكتەسەدى. مۇنداي حيميالىق زاتتار قورشاعان ورتاعا تەك كيىم ءوندىرۋ كەزىندە جانە پوليگونعا تاستالعاننان دا عانا ەمەس، سونىمەن قاتار، ادامدار ءونىمدى تۇتىنعان كەزىندە دە تۇسەدى. PFAS وزەن-كولدەن، ەۆەرەست شىڭىنان جانە 600-دەن استام جانۋاردىڭ، سونىڭ ىشىندە اق ايۋلار مەن دەلفيندەردىڭ ورگانيزىمىنەن تابىلدى. دەگەنمەن، كومپانيالاردىڭ كوبىسى «كيىمنىڭ ساپاسى جوعالادى، كليەنتتەردەن ايىرىلامىز» دەگەن جەلەۋمەن جاقىن ارادا PFAS-تان باس تارتۋدى جوسپارلاپ وتىرعان جوق. NRDC ۇيىمىنىڭ ساراپشىلارى دەنساۋلىعىنا سالعىرت قارامايتىن تۇتىنۋشىلاردى قۇرامىندا ماڭگىلىك حيميالىق زاتتارى بار كيىم ونىمدەرىنەن باس تارتۋعا شىقىرىپ وتىر. ول ءۇشىن كيىم وندىرەتىن رەسمي سايتىنا كىرىپ، ءونىمنىڭ قۇرامىن تەكسەرىپ بارىپ ساتىپ الۋعا كەڭەس بەرەدى.