الماتى قالاسىنىڭ پوليسياسى الماتى اۋەجايىنداعى ءتارتىپتى ءوز دەڭگەيىندە باقىلاۋدا ۇستايدى.
الماتى حالىقارالىق اۋەجايىندا زاڭدىلىق پەن ءتارتىپتى قامتاماسىز ەتۋ، سونداي-اق جەكە تاكسي جۇرگىزۋشىلەرىنىڭ الماتى قالاسىنا كەلگەن ازاماتتاردىڭ مازاسىن الۋ دەرەگىنىڭ جولىن كەسۋ ماقساتىندا كۇن سايىن ۋچاسكەلىك پوليسيا ينسپەكتورلارى مەن پاترۋلدىك پوليسيا قىزمەتكەرلەرى كەزەكشىلىككە كىرىسەدى، دەپ حابارلايدى Almaty-akshamy.kz.
– الماتى قالالىق حالىقارالىق اۋەجايى – قالانىڭ كورىكتى جەرلەرىنىڭ ءبىرى. سوندىقتان ونىڭ اۋماعىندا قوعامدىق ءتارتىپتى قامتاماسىز ەتۋ ماقساتىندا الدىن الۋ شارالارى قارقىندى جۇرگىزىلىپ جاتىر. جىل باسىنان بەرى اتالعان سالادا ق ر اقبك-نىڭ 449-بابىنىڭ نورمالارىن بۇزۋ بويىنشا 124 دەرەك، سونداي-اق ق ر اقبك-نىڭ 163-بابى بويىنشا 13 دەرەك انىقتالدى. سونىمەن قاتار جول قوزعالىسى ەرەجەسىن بۇزعان مىڭنان استام ازامات جاۋاپكەرشىلىككە تارتىلدى، – دەدى تۇركسىب اۋداندىق پوليسيا باسقارماسى باستىعىنىڭ ءبىرىنشى ورىنباسارى باقىت مىرزاعالي.
سونداي-اق ونىڭ ايتۋىنشا، جولاۋشىلار تاسىمالىمەن اينالىساتىن جۇرگىزۋشىلەرمەن پروفيلاكتيكالىق جانە ءتۇسىندىرۋ جۇمىستارى جۇرگىزىلىپ جاتىر. باستى ماقسات – ولاردىڭ تاراپىنان ازاماتتار مەن شەتەلدىكتەرگە قاتىستى زاڭسىز ارەكەتتەردىڭ الدىن الۋ.