كەستەدەن كەشىككەن پويىزداردىڭ جولاۋشىلارى كىدىرىستىڭ ءاربىر ساعاتى ءۇشىن بيلەت قۇنىنىڭ 3 پايىزى مولشەرىندە وتەماقى الا الادى.
بۇل تۋرالى «قازاقستان تەمىر جولى» كومپانياسى مالىمدەدى، دەپ حابارلايدى Almaty-akshamy.kz.
سونداي-اق ماماندار پويىزداردىڭ كەشىگۋ سەبەبىن ءتۇسىندىردى. «ورال-الماتى»، «استانا-الماتى»، «استانا-شىمكەنت» باعىتىنداعى پويىزداردىڭ كەستەدەن 2 جارىم ساعاتقا كەشىككەنى تۋرالى حالىقتان شاعىم تۇسكەن. «جولاۋشىلار تاسىمالى» اق-نىڭ باسپا ءسوز قىزمەتى جولداردا جوندەۋ جۇمىستارى ءجۇرىپ جاتقانىن حابارلادى. سول سەبەپتى وسى ۋچاستوكتاردا پويىزداردىڭ جىلدامدىعى شەكتەلىپ، كەستەگە ءىشىنارا وزگەرىس ەنگىزىلگەن.