قازاقستاندىقتار ەGov پورتالىنىڭ كەشكى ۋاقىتتا جانە دەمالىس كۇندەرى ىستەمەي قالاتىنىنا ءجيى شاعىم ايتۋدا.
سيفرلىق ۇكىمەتتى قولداۋ ورتالىعىنىڭ باس ديرەكتورى رۇستەم بيعاريدىڭ تۇسىندىرۋىنشە، ازاماتتار ەلەكتروندىق ۇكىمەت پورتالىنا از كىرەتىن ۋاقىت تەحنيكالىق جۇمىستار جۇرگىزىلەدى، دەپ حابارلايدى Almaty-akshamy.kz.
ول سونداي-اق بەيىندى ۆەدومستۆو كەلىپ تۇسكەن شاعىمداردىڭ سانىن زەردەلەيتىنىن جانە تەحنيكالىق جۇمىستار جۇرگىزىلەتىن كۇندەرى قازاقستاندىقتاردىڭ eGov پورتالىنا قانشالىقتى ءجيى جۇگىنەتىنىن تالدايتىنىن اتاپ ءوتتى.
"كەز كەلگەن كومپانيا ادەتتە تەحنيكالىق جۇمىستاردى تۇندە نەمەسە دەمالىس كۇندەرى جۇرگىزەدى. تەحنيكالىق قولداۋ جۇمىستارىن ۇات اق اتقارادى ، ولار دەمالىس كۇندەرى ادام از كىرەتىن ۋاقىتتى تاڭداعان بولۋى مۇمكىن. مەنىڭ دە پورتالعا كىرە الماي قالعان ساتتەرىم بولدى"، – دەدى بيعاري بريفينگ بارىسىندا.
سونىمەن قاتار، سيفرلىق ۇكىمەتتى قولداۋ ورتالىعىنىڭ باسشىسى ءاربىر ۆەدومستۆونىڭ سيفرلىق ترانسفورماسيالاۋ جوسپارى بار ەكەنىن اتاپ ءوتتى.
رەتتەۋ بارىسىندا ولقىلىقتار، نورماتيۆتىك جانە تەحنيكالىق ماسەلەلەر بار، سونىڭ سالدارىنان ەلەكتروندىق ۇكىمەت سايتى جۇمىس ىستەمەي قالادى.
"ءقازىر بىزدە eGov-دا دەرەك وتە كوپ. جانە ولارعا ۇنەمى سۇرانىس تۇسەدى. ياعني، دەمالىس كۇندەرى ازاماتتار قانداي دا ءبىر مامىلە جاساعىسى كەلەدى نەمەسە انىقتاما العىسى كەلەدى. سوندىقتان، ءبىز جەكە ەگجەي-تەگجەيلى جوسپار اياسىندا وسى ماسەلەلەردى قاراستىرىپ، رەينجينيرينگ جاسايمىز"، - دەپ تولىقتىردى رۇستەم بيعاري.
ول “ۇات” اق دەمالىس كۇندەرى قازاقستاندىقتاردىڭ سۇرانىستارىنىڭ سانىن تالدايتىنىن جانە تەحنيكالىق جۇمىستاردى جۇمىس كۇنىنە اۋىستىرۋى مۇمكىن ەكەنىن اتاپ ءوتتى.