الماتىداعى ساۋداگەرلەر مەتروپوليتەندى قالا شەكاراسىنان ۇزارتۋدى سۇرايدى
AMANAT بەلسەندىلەرى پارتيانىڭ سايلاۋالدى باعدارلاماسى ءۇشىن مەگاپوليس تۇرعىندارىنان ۇسىنىس-تىلەكتەردى جيناۋ جۇمىستارىن جالعاستىرۋدا، دەپ حابارلايدى Almaty-akshamy.kz.
سونىمەن، جۋرناليست، پارتيا مۇشەسى ماقسات تولىقباي مەن الماتى "اماناتتىقتارى" قالانىڭ تومەنگى بولىگىندە ورنالاسقان «تۇركسىب جارمەڭكەسى» بازارىنا بارىپ، شاعىن بيزنەس وكىلدەرىنىڭ ۇسىنىستارىن تىڭدادى. بەلگىلى بولعانداي، بۇل جەردە نارىقتاعى ونىمدەردىڭ قۇنى ايتارلىقتاي تومەن.
«بىزدە باعالار قولجەتىمدى. ءبىز تاۋاردىڭ ۇستىنە ەڭ كوبى 100 تەڭگە قوسامىز. بۇل قىمباتشىلىققا سانالمايدى، ءبىزدىڭ دە نان تابۋىمىز قاجەت قوي. بارلىعىمىز "التىن وردادان" ازىق-تۇلىك ساتىپ الامىز، مىنە، سول جەردە باعانى كوتەرۋ بويىنشا تەكسەرىس جۇرگىزۋ كەرەك ەدى. بەنزيننىڭ باعاسى جوعارى جانە كەپتەلىس، مۇنىڭ ءبارى باعانىڭ وسۋىنە اكەلەدى. سونىمەن قاتار، ءقازىر پاتەرلەردىڭ قۇنى ءبىز ءۇشىن قىمبات، ەگەر باستاپقى جارناعا قانداي دا ءبىر جەڭىلدىكتەر بولعاندا، كوبىسى ءۇيلى بولار ەدى»، - دەيدى «تۇركسىب جارمەڭكەسى» بازارىنىڭ ساۋداگەرلەرى.
قالا تۇرعىندارى مەگاپوليستىڭ ينفراقۇرىلىمىن دامىتۋدىڭ، اتاپ ايتقاندا، مەترو جەلىسىن قالا شەكاراسىنان تىس، وبلىستىڭ جاقىن ورنالاسقان قالالارىنا دەيىن ۇزارتۋدىڭ، اۋانى جاقسارتۋدىڭ جانە جولداردى جوندەۋدىڭ پروبلەمالىق ماسەلەلەرىن كوتەردى.
«كوپتەگەن ساتۋشىلار وبلىستا تۇرادى، كۇن سايىن كەپتەلىسپەن جولعا 2-3 ساعات كەتەدى. ەگەر مەترو بىزگە، وبلىسقا دەيىن ۇزارتىلسا، قالاعا قاتىناۋ الدەقايدا جىلدام ءارى وڭاي بولار ەدى»، - دەيدى الماتىنىڭ ەڭ ءىرى سانالاتىن «كوك بازار» ساتۋشىلارى.
الماتىلىقتار ءۇشىن جاتاقحانا ماسەلەسى دە ءارقاشان وزەكتى. وسىلايشا، پارتيالىقتار قالاداعى جاتاقحانالاردىڭ بىرىنە بارىپ، ستۋدەنتتەردىڭ ماسەلەلەرىن ءبىلىپ قايتتى.
«جاتاقحانامىز 1937 جىلى سالىنعان. عيماراتتىڭ توزىعى جەتكەن، كۇردەلى جوندەۋ قاجەت. سونىمەن قاتار، ستۋدەنتتەرگە ارنالعان ورىندار وتە از، وقۋ جىلى باستالماي تۇرىپ وسى ماسەلەنى شەشۋدى سۇرايمىز. كەڭسە تاۋارلارى دا ءقازىر قىمبات، ءبىزدىڭ ءبىر ستيپەنديامىزعا وسىنداي ۇلكەن قالادا تۇرۋ قيىن، تاعى اقىلى تۇردە وقىپ جاتقانداردى دا ەسكەرگەن ءجون. ەگەر ستۋدەنتتىك بيلەتتى نەمەسە «وڭاي» كارتوچكاسىن ۇسىنعان كەزدە كەڭسە تاۋارلارىنا جەڭىلدىك بولسا، جاقسى بولار ەدى»،-دەپ ۇسىندى ستۋدەنتتەر.
بۇگىنگى كەزدەسۋدىڭ قورىتىندىسى بويىنشا بارلىق تىلەكتەر مەن ۇسىنىستاردى الداعى ۋاقىتتا پارتيالىقتار وزدەرىنە ءتۇرتىپ الدى.