بۇدان بۇرىن كەنەسارى حانعا تيەسىلى قاسيەتتى قۇراننىڭ قمدب-عا تابىستالعانىن حابارلاعانبىز.
مادەنيەت جانە سپورت ءمينيسترى اسحات ورالوۆتىڭ مالىمەتىنشە، كەنەسارى حانعا تيەسىلى قاسيەتتى قۇران كىتابىنا رەستاۆراسيا جاسالادى، دەپ حابارلايدى Almaty-akshamy.kz
بۇل تۋرالى مينيستر Telegram-داعى پاراقشاسىندا جازدى.
"مادەنيەت جانە سپورت مينيسترلىگىن الدا ۇلكەن جۇمىس كۇتىپ تۇر. الدىمەن ق ر مسم جانىنداعى ۇلتتىق قولجازبالار جانە سيرەك كىتاپتار ورتالىعى قاسيەتتى كىتاپقا رەستاۆراسيا جاسايدى. وسىدان كەيىن كىتاپتىڭ 4 كوشىرمەسى دايىندالىپ، كۇزدە جادىگەر تۇركىستانداعى قوجا احمەت ياسساۋي كەسەنەسىندە ءوزىنىڭ قۇرمەتتى ورنىنا قويىلۋى ءتيىس. كەنەسارى حانعا تيەسىلى قۇران كىتابىنىڭ ەلگە ورالۋى – ۇلتتىق مادەنيەتىمىز، تاريحىمىز بەن عىلىمىمىز ءۇشىن اسا ماڭىزدى وقيعا. رۋحاني مۇرامىز سانالاتىن قۇندى قازىنانى كوزىمىزدىڭ قاراشىعىنداي ساقتاۋ ءارقايسىمىزدىڭ اسىل پارىزىمىز بولۋعا ءتيىس"، دەلىنگەن ءمينيستردىڭ جازباسىندا.