ەلوردادا «كەنەسارى حان» اتتى كىتاپتىڭ تۇساۋى كەسىلدى.
جيناققا نار تۇلعا جانە ونىڭ قاسىندا جۇرگەن ناۋرىزباي، سارجان، ەسەنگەلدى سىندى جاۋجۇرەك باتىرلاردىڭ قاھارماندىعىن سۋرەتتەيتىن اڭىز-اڭگىمەلەر مەن تاريحي جىر-داستانداردىڭ تاڭداۋلى ۇلگىلەرى توپتاستىرىلعان، دەپ حابارلايدى Almaty-akshamy.kz Qazqtv.com سايتىنا سىلتەمە جاساپ.
تىڭ ەڭبەكتە كەنەسارىنىڭ حانعا لايىق بەكزات بولمىسى، ەلىن قورعاۋ جولىنداعى جورىقتارى، سوڭىنان ەرگەن جاۋىنگەرلەر بەينەسى شىنايى ءارى كوركەم باياندالادى. ايتا كەتەيىك، ەل اراسىندا ونىڭ تاعلىمدى ءومىرى مەن ازاتتىق جولىنداعى شايقاستارىن جىر ەتكەن اڭىزدار از ەمەس. العاشقى نۇسقالارى ءحىح عاسىردىڭ باسىندا حاتقا تۇسە باستاعان. تىڭ ەڭبەكتە مۇراعاتتىق دەرەكتەر دە كەڭىنەن قامتىلعان.
"تاريحي نەگىزدە جازىلعان ءبىزدىڭ عالىمدارىمىزدىڭ، ءبىزدىڭ تاريحشىلارىمىزدىڭ، ءبىزدىڭ اكادەميكتەردىڭ كەنەسارى قاسىم ۇلىنىڭ ەرلىگىن، ءومىرىن زەرتتەپ جۇرگەن عالىمداردىڭ عىلىمي نەگىزدەلگەن، ارحيۆ دەرەكتەرىنە نەگىزدەلگەن ماتەريالدار جارىق كورىپ جاتىر. سوندىقتان بۇل ۋاقىتىندا شىعىپ جاتقان قۇندى ەڭبەك، كەلەر ۇرپاققا كەرەك. ءالى دە ءوزىنىڭ جالعاسىن تاباتىن ەڭبەك دەپ ەسەپتەيمىن"، - دەدى ق ر ەڭبەك سىڭىرگەن قايراتكەرى جابال ەرعالييەۆ.