بۇل - بۇۇ بىتىمگەرلىك وپەراسيالارىنداعى گەندەرلىك اسپەكتىلەر بويىنشا ۇيىمداستىرىلعان كۋرس.
ءتورت كۇندىك ساباقتار قازاقستانداعى كانادا ەلشىلىگىنىڭ قولداۋىمەن قورعانىس مينيسترلىگىنىڭ بىتىمگەرلىك دايىندىق ورتالىعىندا ۇيىمداستىرىلىپ جاتىر، دەپ حابارلايدى Almaty-akshamy.kz.
«بۇل كۋرستىڭ ماقساتى بىرىككەن ۇلتتار ۇيىمىنىڭ بەيبىتشىلىكتى قولداۋ جونىندەگى ميسسيالارىندا ۇلتتىق كونتينگەنتتىڭ جەكە قۇرامىنىڭ گەندەرلىك پروبلەماتيكا سالاسىنان حاباردار بولۋىن ارتتىرۋ بولىپ تابىلادى»، - دەلىنگەن قورعانىس مينيسترىگىنىڭ باسپا ءسوز قىزمەتىنىڭ حابارلاماسىندا.
وقۋ باعدارلاماسىن ورتالىق نۇسقاۋشىلارى ازىرلەگەن جانە «بۇۇ-ايەلدەر» قۇرىلىمىنىڭ ساراپشىلارىمەن بىرلەسىپ وتكىزىلەدى.
گەندەرلىك ماسەلەلەر بىرىككەن ۇلتتار ۇيىمىنىڭ بىتىمگەرلىك قىزمەتىنىڭ اتاپ ايتقاندا، ۇلتتىق بىتىمگەرلىك كونتينگەنتتەردى دايارلاۋ پروسەسىنىڭ وزەكتى جانە اجىراماس بولىگى بولىپ تابىلادى.
قازاقستان رەسپۋبليكاسى بۇۇ-نىڭ گەندەرلىك ساياسات سالاسىنداعى ۇسىنىمدارىن باسشىلىققا الا وتىرىپ، اسكەري قىزمەتشى ايەلدەردى بىتىمگەرلىك ميسسيالارعا قاتىسۋعا تۇراقتى تۇردە جىبەرىپ وتىراتىنىن اتاپ ءوتۋ قاجەت.