حالىقتى دەنساۋلىق ساقتاۋ وبەكتىلەرىمەن قامتاماسىز ەتۋ جۇمىستارى شەڭبەرىندە كەمەل شاعىن اۋدانىندا اۋىسىمىنا 200 ادامدى قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى اياقتالدى.
بۇل تۋرالى الماتى اكىمى ەربولات دوسايەۆتىڭ جەتىسۋ اۋدانى تۇرعىندارىمەن وتكەن كەزدەسۋدە ءمالىم بولدى، دەپ حابارلايدى Almaty-akshamy.kz.
امبۋلاتوريا جۇمىسىن قاراشا ايىندا باستايدى.
«بۇدان بۇرىن اكىمدىك ەمحانالار سالۋ ءۇشىن وماروۆ كوشەسىندە اۋىسىمىنا 300 ادام، نۇسىپبەكوۆ كوشەسىندە 200 ادام جانە رابوچيي پوسەلوكتا 240 ادام كەلەتىن 3 عيمارات ساتىپ الدى. بيىلعى جىلى اكىمدىك ولاردى جوندەپ، جابدىقتاۋعا 2 ملرد (1،96 ملرد.) تەڭگەدەي ءبولدى.
قازىرگى تاڭدا رابوچيي پوسەلوكتاعى ەمحانانى كۇردەلى جوندەۋ جۇمىستارى اياقتالدى. مەديسينالىق جابدىقتار ورناتىلعاننان كەيىن جاڭا قالالىق ەمحانا جەلتوقسان ايىندا اشىلادى»، - دەدى قالا باسشىسى ە.دوسايەۆ.
نۇسىپبەكوۆ جانە وماروۆ كوشەلەرىندەگى ەكى عيماراتتى كۇردەلى جوندەۋ بويىنشا كونكۋرستاردىڭ وتكىزىلمەۋىنە بايلانىستى جۇمىستار قاراشا ايىندا باستالادى. جۇمىستار 2024 جىلدىڭ ماۋسىم ايىندا اياقتالادى دەپ جوسپارلانۋدا.