الماتى قالاسىندا نەگىزگى جۇمىستىڭ باسىم باعىتى ينجەنەرلىك جەلىلەردى مودەرنيزاسيالاۋ بولىپ تابىلادى.
وسى تۇرعىدان العاندا جەتىسۋ اۋدانىندا ءبىرشاما جۇمىستار جۇزەگە اسىرىلدى. بۇل تۋرالى الماتى قالاسىنىڭ اكىمى ەربولات دوسايەۆ جەتىسۋ اۋدانى تۇرعىندارىمەن كەزدەسۋىندە مالىمدەدى، دەپ حابارلادى Almaty-akshamy.kz.
اۋداندى اۋىز سۋمەن قامتاماسىز ەتۋ ءۇشىن 2019 جىلى باستالعان، جالپى ۇزىندىعى 100 شاقىرىمعا جۋىق سۋمەن قامتۋ مەن سۋ بۇرۋ بويىنشا ەكى تاريحي پروبلەمالىق جوبانى اياعىنا جەتكىزۋگە كۇش سالىنعان. بۇگىنگى تاڭدا «الۆيس» جاۋاپكەرشىلىگى شەكتەۋلى سەرىكتەستىگى ساياحات، مەحكومبينات جانە 1-جەو شاعىن اۋدانىندا (قازىبايەۆ كوشەسى – رىسقۇلوۆ داڭعىلى – تاتىبەكوۆ كوشەسى – رايىمبەك داڭعىلى) ۇزىندىعى 57،5 شاقىرىم جەلىلەردى سالۋ جانە جول جابىنىن توسەۋ جۇمىستارىن اياقتادى. بارلىق قۇجاتتى رەسىمدەۋدى ەسكەرە وتىرىپ، جەلىلەردى پايدالانۋعا بەرۋ وسى جىلدىڭ قازان ايىنا جوسپارلانعان.
مەردىگەر «ەلەكترورەمونت» جاۋاپكەرشىلىگى شەكتەۋلى سەرىكتەستىگىنىڭ اۋداننىڭ ورتالىق جانە باتىس بولىگىن قامتيتىن سەيفۋللين – سولتۇستىك اينالىم – رىسقۇلوۆ – بورالداي كوشەلەرىنىڭ اۋماعىنداعى سۋمەن قامتۋ جانە سۋ بۇرۋ جەلىلەرىن سالۋ جوباسىن ساپاسىز ىسكە اسىرۋى كوپتەگەن اۋدان تۇرعىندارىنىڭ نارازىلىقتارىن تۋدىردى. بۇل مەردىگەر وتكەن جىلى اكىمدىكتىڭ تالاپ-ارىزى بويىنشا قىزمەتتەردىڭ جوسىقسىز ءونىم بەرۋشىسى بولىپ تانىلعان. اكىمدىك قابىلداعان شارالاردىڭ ناتيجەسىندە 36 شاقىرىمنان 31 شاقىرىمعا دەيىن جەلىدەگى جۇمىستار اياقتالدى. جول جابىنى قالپىنا كەلتىرىلدى. قالعان 8 شاقىرىم بويىنشا جۇمىستار وسى جىلدىڭ قازان ايىنىڭ سوڭىنا دەيىن اياقتالىپ، جول جابىنى قالپىنا كەلتىرىلەدى.
بۇعان دەيىن سىزدەرگە ۋادە بەرگەنىمدەي، وسى جىلدىڭ ماۋسىم ايىنان باستاپ ۇزىندىعى 80 شاقىرىم سۋمەن قامتۋ جانە 71 شاقىرىم كارىز جەلىلەرىن سالۋ بويىنشا ەكى جاڭا ءىرى ينفراقۇرىلىمدىق جوبا قولعا الىندى. بيىل ءبىز 14 شاقىرىم سۋمەن قامتۋ جانە 18 شاقىرىم سۋ بۇرۋ جەلىلەرىن سالۋعا نيەتتىمىز.
وسى جىلدىڭ ماۋسىم ايىندا مەردىگەرلەرمەن: ءبىرىنشى جوبا بويىنشا كەمەل شاعىن اۋدانىندا جالپى ۇزىندىعى 69 شاقىرىم (سۋ - 60،2 شاقىرىم، كارىز - 8،7 شاقىرىم جەلى) جوبانى ىسكە اسىرۋ ءۇشىن «الماتىينجستروي» كومپانياسىمەن (جوبالاۋشى «بىرلىك» ج ش س)، ەكىنشى جوبا بويىنشا سىزدەردىڭ اۋداندارىڭىزدا ۇزىندىعى 82 شاقىرىم (سۋمەن قامتۋ - 19،4 شاقىرىم، كارىز - 62،1 شاقىرىم) جەلىلەردى سالۋ ءۇشىن مەردىگەر «نكو» جاۋاپكەرشىلىگى شەكتەۋلى سەرىكتەستىگىمەن (جوبالاۋشى «كازسانتەحپروەكت» ج ش س) كەلىسىمدەرگە قول قويىلدى، -دەدى قالا اكىمى.
وسى جوبالاردى ءتيىمدى ىسكە اسىرۋدىڭ ارقاسىندا كەمەل شاعىن اۋدانىن، سولتۇستىك اينالىمنىڭ شىعىس بولىگى مەن پاللادين كوشەسىندەگى سايدى ورتالىقتان سۋمەن جابدىقتاۋ جانە سۋ بۇرۋ جەلىلەرىمەن قامتۋ 2024 جىلدىڭ جەلتوقسان ايىندا اياقتالادى.