«تازا قازاقستان» رەسپۋبليكالىق باعدارلاماسى مەن «الماتى – ءبىزدىڭ ورتاق ءۇيىمىز» قالالىق كامپانياسى اياسىندا قالادا كۇزگى-قىسقى كەزەڭگە دايىندىق جۇمىستارى جالعاسۋدا، دەپ حابارلايدى Aqshamnews.kz
جۇمىس ماۋسىمىنىڭ اياقتالۋىنا بايلانىستى الماتىدا قالالىق سۋبۇرقاقتاردى كونسەرۆاسيالاۋ جۇمىستارى اياقتالدى. سۋبۇرقاقتاردى كونسەرۆاسيالاۋ ۇدەرىسى ولاردى ءوشىرۋدى، جۇيەلەردەن سۋدى اعىزۋدى، جابدىقتاردى بولشەكتەۋدى جانە ولاردى ارنايى قويمالارعا جەتكىزۋدى قامتيدى. ساقتاۋ ورىندارىندا سۋبۇرقاقتاردىڭ كونسترۋكسيالارى تەكسەرىلىپ، كەلەسى ماۋسىمدا ۇزدىكسىز جۇمىس ىستەۋى ءۇشىن پروفيلاكتيكالىق جوندەۋدەن وتەدى.
«الماتى قالاسىنىڭ سۋبۇرقاق شارۋاشىلىعىن كۇتىپ ۇستاۋ جانە تەحنيكالىق قىزمەت كورسەتۋ ەرەجەلەرىنە» سايكەس، سۋبۇرقاقتاردىڭ جۇمىس ماۋسىمى 1 مامىردان 1 قازانعا دەيىن جالعاسادى. الماتىنىڭ كوممۋنالدىق مەنشىگىندە بارلىعى 65 سۋبۇرقاق بار، ولاردىڭ ءارقايسىسى قىسقى كەزەڭگە مۇقيات دايىندىقتان وتەدى: ماماندار جابدىقتى دياگنوستيكادان وتكىزەدى، سۇزگىلەر مەن قۇبىرلاردى تازارتادى، توزعان بولشەكتەردى جوندەپ، اۋىستىرادى.
ەستەرىڭىزگە سالا كەتەيىك، «الماتى – ءبىزدىڭ ورتاق ءۇيىمىز» كۇزگى كامپانياسى اياسىندا قالا اۋماعىن تازارتۋ، وزەن ارنالارىن تازالاۋ جانە قالالىق ينفراقۇرىلىمدى جاقسارتۋ بويىنشا بەلسەندى جۇمىس جالعاسۋدا. ءىس-شارالار ازاماتتاردىڭ ەكولوگيالىق جاۋاپكەرشىلىگىن ارتتىرۋعا، قالالىق ينفراقۇرىلىمدى قىسقى جاعدايعا دايىنداۋعا جانە قالا تۇرعىندارى مەن قوناقتارىنىڭ جايلى ءومىر ءسۇرۋىن قامتاماسىز ەتۋگە باعىتتالعان.