كەلەسى جىلدان باستاپ جەزقازعانعا سۋ تارتىلا باستايدى

ءۇيتاس-ايدوس سۋ قۇبىرىنىڭ قۇرىلىسى 2025 جىلى اياقتالادى.

ال جەزقازعان قالاسىنا ەسقۇلا قۇبىرىمەن سۋ تارتۋ 2023 جىلى باستالادى. ۇلىتاۋ وبلىسىنىڭ اكىمى پرەزيدەنتكە وسىلاي دەپ مالىمدەدى، دەپ حابارلايدى Almaty-akshamy.kz 

بەرىك ءابدىعالي وڭىردە تۇرعىن ۇيلەردىڭ 33 پايىزى ەسكىرگەنىن ايتتى. ءقازىر ءۇيدى جاڭارتۋ باعدارلاماسى جۇزەگە اسىرىلىپ جاتىر. بيىل جانە كەلەر جىلى قالانىڭ جاڭا اۋدانىندا كوپ قاباتتى 20 تۇرعىن ءۇي سالىنادى.

مەملەكەت باسشىسى، ەڭ الدىمەن، حالىقتىڭ تۇرمىس ساپاسىن جاقسارتۋ قاجەت ەكەنىن ەسكەرتتى. قاسىم-جومارت توقايەۆ ۇكىمەت پەن وبلىس اكىمدىگىنە جول ماسەلەسىنە، ەكولوگياعا، ءبىلىم سالاسىن دامىتۋعا كۇش سالۋدى تاپسىردى.

ال بيزنەستىڭ الەۋمەتتىك جاۋاپكەرشىلىگى تۇرعىسىنان «قازاقمىس» بيىل 25،4 ميلليارد تەڭگە بولگەن.

"الەۋمەتتىك ماسەلەلەر شەشىمىن تابۋعا ءتيىس. «قازاقمىس» كومپانياسىن وسى ىسكە بەلسەندى تۇردە اتسالىسۋعا شاقىرامىن. 25،4 ميلليارد تەڭگە مۇنداي اۋقىمدى جۇمىستار ءۇشىن جەتكىلىكسىز بولۋى مۇمكىن. قارجىنى ۇلعايتۋ مۇمكىندىگىن قاراستىرعان ءجون. الەۋمەتتىك نىسانداردىڭ قۇرىلىسىنا كومەكتەسۋ قاجەت. سپورت عيماراتتارى كەرەك. جەرگىلىكتى حالىق ۇلكەن ءۇمىت ارتىپ وتىر. وسى تۇرعىدان العاندا قالاداعى جاعدايدى جاقسارتۋىمىز كەرەك. ارينە، مادەني نىساندارعا دا ەرەكشە كوڭىل ءبولىنۋى قاجەت"، - دەدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ.