كەي ماماندارعا اقشالاي سەرتيفيكات بەرىلدى.
الماتى وبلىسىندا اۋرۋدىڭ الدىن الۋعا جانە مەديسينالىق قىزمەتتىڭ قولجەتىمدى ءارى ساپالى بولۋىن قامتاماسىز ەتۋگە بار جاعداي جاسالىپ كەلەدى. بۇل تۋرالى وبلىس اكىمى مارات سۇلتانعازييەۆ ارنايى وتكەن شارا بارىسىندا ايتتى، دەپ حابارلايدى Almaty-akshamy.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
الماتى وبلىسىندا دەنساۋلىق ساقتاۋ سالاسىنىڭ ماتەريالدىق-تەحنيكالىق بازاسىن نىعايتۋعا 4،4 ملرد تەڭگەدەن استام قارجى بولىنگەن. مەكەمەلەردىڭ جابدىقتالۋى - 91%. بيىل قوسىمشا 106 بىرلىك ارنايى جابدىقتار ساتىپ الىناتىن بولادى.
«پرەزيدەنتىمىز قاسىم-جومارت توقايەۆتىڭ الدىمىزعا قويعان مىندەتتەرىنە سايكەس اۋرۋدىڭ الدىن الۋعا، مەديسينالىق قىزمەتتىڭ قولجەتىمدى ءارى ساپالى بولۋىن قامتاماسىز ەتۋگە بار جاعداي جاسالىپ كەلەدى. عيماراتتار جاڭارتىلىپ، ماتەريالدىق-تەحنيكالىق بازا نىعايتىلدى. جىلدان جىلعا وسى سالاعا بولىنەتىن قارجى كولەمى دە ارتىپ كەلەدى. بيىلعى جىلى بۇل كورسەتكىش 4،4 ملرد. تەڭگەدەن استى. دەنساۋلىق ساقتاۋ ۇيىمدارىن قاجەتتى ماماندارمەن قامتۋعا دا زور كوڭىل بولىنەدى. وبلىستىڭ مەديسينالىق مەكەمەلەرىنە سوڭعى ءۇش جىلدا 354 دارىگەر مامان جۇمىسقا قابىلداندى. قاجەتتى قۇرال-جابدىقتارمەن، دارى-دارمەكپەن تولىق كولەمدە قامتۋ جانە دارىگەرلەر بىلىكتىلىگىنىڭ ارقاسىندا ىندەتتىڭ بەتى قايتىپ، بارلىق سالا قالىپتى ومىرگە ورالدى. انتىنا ادالدىق تانىتىپ، كۇن سايىن ەرلىككە تەڭ ءىس اتقارىپ جۇرگەن سىزدەردىڭ ءارقايسىلارىڭىز قۇرمەتكە لايىقسىزدار»، - دەدى قونايەۆ قالاسىندا مەديسينا قىزمەتكەرلەرى كۇنىنە ارنالعان سالتاناتتى جيىندا الماتى وبلىسىنىڭ اكىمى مارات سۇلتانعازييەۆ.
