"ازاماتتارعا ارنالعان ۇكىمەت" مەملەكەتتىك كورپوراسياسى" كەاق باسپا ءسوز قىزمەتى حقو-لار مەن ارنايى حقو-لاردىڭ 2025 جىلعى قاڭتارداعى جۇمىس كەستەسى تۋرالى مالىمدەدى، دەپ حابارلايدى aqshamnews.kz.
جاڭا جىلدى مەرەكەلەۋگە بايلانىستى حقو-لار مەن ارنايى حقو-لار 1-3 قاڭتار ارالىعىندا جۇمىس ىستەمەيدى.
دەگەنمەن 4 قاڭتار، سەنبى كۇنى حالىققا قىزمەت كورسەتۋ ورتالىقتارىنىڭ كەزەكشىلەرى ءۇشىن جۇمىس كۇنى بولىپ سانالادى. قابىلداۋ ساعات 9:00-دەن 13:00-گە دەيىن جۇزەگە اسىرىلادى.
5 جانە 6 قاڭتاردا ەلىمىزدىڭ بارلىق ورتالىعى ادەتتەگىدەي جۇمىس ىستەيدى. قازاقستاندا 7 قاڭتاردا پراۆوسلاۆيەلىك روجدەستۆو مەرەكەسى اتاپ وتىلەتىندىكتەن، بۇل كۇن حقو مەن ارنايى حقو ءۇشىن دەمالىس كۇنى بولىپ سانالادى.
مەملەكەتتىك كورپوراسيا جۇمىس كۇندەرى حالىققا قىزمەت كورسەتۋ ورتالىقتارى ازاماتتاردى ساعات 9:00-دەن 18:00-گە دەيىن قابىلدايتىنىن ەسكە سالدى. كەزەكشى حالىققا قىزمەت كورسەتۋ ورتالىقتارى دۇيسەنبى مەن جۇما ارالىعىندا 9:00-دەن 20:00-گە دەيىن جانە سەنبىدە 9:00-دەن 13:00-گە دەيىن جۇمىس ىستەيدى.
حالىققا قىزمەت كورسەتۋ ورتالىقتارىنىڭ كەزەكشى مەكەنجايلارىنىڭ ءتىزىمى Instagram-داعى رەسمي پاراقشادا قولجەتىمدى، سونىمەن قاتار 1414 ءنومىرى بويىنشا دا بىلۋگە بولادى.