الماتى اكىمى «قىتايدىڭ سينسين كورپوراسياسى» ديرەكتورلار كەڭەسىنىڭ توراعاسىمەن كەزدەستى
الماتى اكىمى ەربولات دوسايەۆتىڭ «قىتايدىڭ سينسين كورپوراسياسى» كومپانياسى ديرەكتورلار كەڭەسىنىڭ ءتوراعاسى چجان سزيانمەن كەزدەسۋىندە سيفرلاندىرۋ، ەسكى تۇرعىن ۇيلەردى رەنوۆاسيا باعدارلاماسى بويىنشا عيماراتتار سالۋ، ەلەكتروندىق كوممەرسيا نارىعىن دامىتۋ سالاسىنداعى ەكىجاقتى ىنتىماقتاستىق ماسەلەلەرى قارالدى، دەپ حابارلايدى اlmaty-akshamy.kz.
كەزدەسۋ بارىسىندا SMART City جوبالارىن ىسكە اسىرۋداعى جۇڭگو قالالارىنىڭ ۇلكەن تاجىريبەسى اتاپ ءوتىلدى: Global Innovation Index-2021 رەيتينگىنە سايكەس جۇڭگو الەمدەگى ەڭ يننوۆاسيالىق دامىعان ەلدەردىڭ اراسىندا 12ء-شى ورىندا (قازاقستان – 129 ەلدىڭ 79-ى). تاراپتار احۋالدىق ورتالىق قۇرۋدا، تكش جۇيەلەرىن اۆتوماتتاندىرۋدا، «اقىلدى قالا» جوباسى اياسىندا قوعامدىق قاۋىپسىزدىك، دەنساۋلىق ساقتاۋ، ءبىلىم بەرۋ جانە كولىك سالاسىندا سيفرلىق شەشىمدەردى ەنگىزۋدە ءوزارا ءىس-قيمىل مۇمكىندىگىن تالقىلادى.
جەرگىلىكتى وندىرۋشىلەر ءۇشىن وتكىزۋ نارىقتارىن كەڭەيتۋگە جانە ەكى ەل اراسىنداعى ەكونوميكالىق پروسەستەردى جەدەلدەتۋگە مۇمكىندىك بەرەتىن ەلەكتروندىق ساۋدا پلاتفورماسىن ازىرلەۋمەن بىرلەسكەن كاسىپورىن قۇرۋ ماسەلەسى قارالدى. ايتا كەتەرلىگى، 2021 جىلى Alibaba.com ماركەتپلەيستە «Gold Supplier» يەلەرى رەتىندە الماتىنىڭ 12 كومپانياسى اتانسا، ال 2022 جىلى – 56 كومپانياعا جەتتى. جاڭا تەحنولوگيالار سالاسىنداعى جۇمىستى جانداندىرۋ ءۇشىن يت بيزنەسكە ءوزارا جان-جاقتى قولداۋ كورسەتۋ تۋرالى ۋاعدالاستىققا قولجەتكىزىلدى.
قالا باسشىسى شەتەلدىك ينۆەستورلاردى الماتى يندۋستريالدى ايماعى مەن «يننوۆاسيالىق تەحنولوگيالار پاركى» اەا اۋماعىندا بىرلەسكەن جوبالاردى قۇرۋعا بەلسەندى قاتىسۋعا شاقىردى، وندا قازىرگى ۋاقىتتا جۇڭگو تاراپىمەن بىرلەسىپ ۇلكەن ديامەترلى بولات دانەكەرلەنگەن سپيرالەشوۆ قۇبىرلارىن شىعاراتىن زاۋىت سالۋ («Asia Steel Pipe Corporation» ج ش س) سياقتى جوبالار تابىستى ىسكە اسىرىلۋدا، جىلۋ رادياتورلارىن ءوندىرۋ بويىنشا («Valtherm» ج ش س)، ەلەكترونيكا جانە اسپاپ جاساۋ سالاسىندا («Bona Electric» ج ش س) جانە ت. ب.
«قىتايدىڭ سينسين كورپوراسياسى» كومپانياسىنىڭ ديرەكتورلار كەڭەسىنىڭ ءتوراعاسى چجان سزيان قالا باسشىسىنا جىلى قابىلداعانى ءۇشىن العىسىن ءبىلدىرىپ، الماتىنىڭ بىرلەسكەن ءوزارا ءتيىمدى جوبالاردى ىسكە اسىرۋ ءۇشىن ۇلكەن الەۋەتى عانا ەمەس، سونىمەن قاتار گەوگرافيالىق ورنالاسۋى مەن قولايلى تابيعي-كليماتتىق جاعدايلارىنىڭ وتە تيىمدىگى ەكەندىگىن، سونىڭ ارقاسىندا كوپتەگەن ينۆەستورلاردى تارتا الاتىنىن اتاپ ءوتتى.
بۇگىندە الماتى قالاسىندا جۇڭگو كاپيتالىنىڭ قاتىسۋىمەن 1064 كاسىپورىن جۇمىس ىستەيدى، ونىڭ ىشىندە 326 بىرلەسكەن، 738 شەتەلدىك (قازاقستاندا – 1869). 2022 جىلدىڭ قورىتىندىسى بويىنشا ەكى ەل اراسىنداعى ەكىجاقتى تاۋار اينالىمى 40%-عا ءوسىپ، 6،8 ملرد اقش دوللارىن قۇرادى.