الماتىدا 2 مامىردان باستاپ بالالاردى تەگىن سەكسيالار مەن ۇيىرمەلەرگە تىركەۋ باستالادى
بيىل 26 ساۋىردەن باستاپ الماتىدا مەملەكەتتىك شىعارماشىلىق جانە سپورتتىق تاپسىرىستاردى ورنالاستىرۋ ءۇشىن جەتكىزۋشىلەردەن ءوتىنىم قابىلداۋ باستالادى، دەپ حابارلايدى Almaty-akshamy.kz.
بۇگىندە پايدالانۋشىلارعا قوسىمشا مۇمكىندىك پەن ىڭعايلى جاعداي ۇسىناتىن www.damubala.kz اتتى جاڭا اقپاراتتىق جۇيەگە كوشۋ اياقتالدى.
2023 جىلعى 3 ناۋرىزدان باستاپ الماتى اكىمدىگى مەملەكەتتىك شىعارماشىلىق جانە مەملەكەتتىك سپورتتىق تاپسىرىستى ىسكە اسىرۋ ءۇشىن وكىلەتتىكتى اۋدان اكىمدىكتەرىنە بەردى. مەملەكەتتىك تاپسىرىستى ۇيلەستىرۋدى اۋداندارعا بەرۋ باعدارلامانى ىسكە اسىرۋ كەزىندەگى كوپتەگەن كەمشىلىكتى الدىن الادى. مىسالى، تەگىن سەكسيالار مەن ۇيىرمەلەردى تىركەۋ جانە دۇرىس كورسەتپەۋ فاكتىلەرى كەزدەستى.
26 ءساۋىر كۇنى ساعات 9:00-دەن باستاپ وپەراتورلار باعدارلامادا بۇرىن جۇمىس ىستەگەندەر مەن جاڭادان قوسىلۋشىلار ءۇشىن جەتكىزۋشىلەردىڭ جۇمىسىنا كاسىپكەرلەردەن ءوتىنىم تىركەۋدى باستايدى.
2 مامىردا ساعات 18:00-دەن باستاپ اتا-انالار پورتالداعى ۇيىرمەلەر مەن سەكسيالارعا قاتىسۋ ءۇشىن بالالارىن تىركەي الادى.
بالالار مەن جاسوسپىرىمدەرگە ارنالعان شىعارماشىلىق ۇيىرمەلەردە مەملەكەتتىك شىعارماشىلىق تاپسىرىستى ورنالاستىرۋ جانە ولاردىڭ جۇمىس ىستەۋ قاعيداسىنىڭ 12-تارماعىنا سايكەس، ءوتىنىم قاراۋ جانە ۆاۋچەرلەردى ءبولۋ وپەراتوردىڭ بيىلعا ارنالعان بيۋدجەتىندە كوزدەلگەن مەملەكەتتىك تاپسىرىس ءۇشىن قاراجات كولەمى تولىق بولىنگەن كەزدە اياقتالادى.
انىقتاما:
الماتى قالاسىنداعى جەتكىزۋشىلەر مەن اتا-انالار ءۇشىن پلاتفورمانى ازىرلەۋشىنىڭ Telegram قولداۋ قىزمەتى بار: https://t.me/almatydamubala (اتا-انالار ءۇشىن)، https://t.me/almatypostavshik (جەتكىزۋشىلەر ءۇشىن).
انىقتاما ءۇشىن قوسىمشا بايلانىستار:
- الماتى قالاسىنىڭ سپورت باسقارماسى: 2924167؛
- الماتى قالاسىنىڭ مادەنيەت باسقارماسى: 2720317؛
- الماتى قالاسى الاتاۋ اۋدانى اكىمىنىڭ اپپاراتى: 2998649؛
- الماتى قالاسى المالى اۋدانى اكىمىنىڭ اپپاراتى: 2725698؛
- الماتى قالاسى اۋەزوۆ اۋدانى اكىمىنىڭ اپپاراتى: 3032558؛
- الماتى قالاسى بوستاندىق اۋدانى اكىمىنىڭ اپپاراتى: 2755068؛
- الماتى قالاسى جەتىسۋ اۋدانى اكىمىنىڭ اپپاراتى: 3842760؛
- الماتى قالاسى مەدەۋ اۋدانى اكىمىنىڭ اپپاراتى: 2916494؛
- الماتى قالاسى ناۋرىزباي اۋدانى اكىمىنىڭ اپپاراتى: 3074553؛
- الماتى قالاسى تۇركسىب اۋدانى اكىمىنىڭ اپپاراتى: 2231115؛
- «DamuBala» پلاتفورماسىن ازىرلەۋشى: +77750075920.