قازاقستاندا جەتىم جانە اتا-انا قامقورلىعىنسىز قالعان بالالاردىڭ 115 ۇيىمى جۇمىس ىستەپ تۇر.
كەيىنگى ون جىلدا ەلدەگى جەتىمحانا سانى ەكى ەسە كەمىگەن. ءقازىر ەلىمىزدە 21 387 بالا جەتىمدىكتىڭ جۇگىن ارقالاپ ءجۇر، دەپ حابارلايدى Almaty-akshamy.kz 24.kz-كە سىلتەمە جاساپ.
وقۋ-اعارتۋ مينيسترلىگىنىڭ مالىمەتى بويىنشا مۇنداي جەتكىنشەكتەردىڭ دەنى ءبىلىم بەرۋ جۇيەسىنە قارايتىن 78 مەكەمەدە ورنالاسقان. تاعى ءبىر بولىگى دەنساۋلىق ساقتاۋ سالاسىنىڭ قاراماعىنداعى 18 ۇيىمنىڭ جانە الەۋمەتتىك قورعاۋ جۇيەسىنە قاراستى 20 مەكەمەنىڭ قاراۋىندا تۇر.
جەتىم جانە اتا-انا قامقورلىعىنسىز قالعان 21 مىڭ 387 بالانىڭ 17 مىڭ 660-ى ءقازىر وتباسىلاردا تاربيەلەنىپ جاتىر. جىل سايىن مىڭنان استام بالاقاي، جانۇيالارعا قابىلدانىپ جاتادى.