پرەمەر-مينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءماجىلىس دەپۋتاتتارىنىڭ ءاليحان سمايىلوۆقا جولداعان ساۋالىنا جاۋابىندا وسىنداي مالىمەت بەردى، دەپ حابارلايدى Almaty-akshamy.kz
«سوڭعى بەس جىلدا اۋتيزم سپەكترى بۇزىلۋ دياگنوزىمەن ەسەپتە تۇرعان بالالاردىڭ سانى 3 ەسەگە جۋىق ءوستى»، - دەپ جازادى ۆيسە-پرەمەر.
رەسمي ستاتيستيكا بويىنشا، 2018 جىلى اۋتيزممەن اۋىراتىن 4707 بالا انىقتالسا، 2019 جىلى ولاردىڭ سانى 5193-كە، 2020 جىلى 6771-كە، 2021 جىلى 8796-عا، 2022 جىلى 12 087-گە جەتكەن.
«وسىعان بايلانىستى ۇكىمەت اۋتيزم سپەكترى بۇزىلۋ دياگنوزىن ەرتە انىقتاۋ ءۇشىن سكرينينگتەردى ۇيىمداستىرۋ قاعيدالارىنا ءتيىستى وزگەرىستەر مەن تولىقتىرۋلار ەنگىزدى. اتاپ ايتقاندا، بالالاردىڭ جۇيكە-پسيحيكالىق دامۋ شكالاسىن وزەكتەندىرۋ جۇرگىزىلىپ، سكرينينگتەردىڭ بارلىق تۇرلەرىن جۇرگىزۋ الگوريتمدەرىن جەتىلدىردى، مەديسينالىق ۇيىمدار مەن پسيحولوگيالىق-مەديسينالىقپەداگوگيكالىق كوميسسيالار (بۇدان ءارى - پمپك) اراسىنداعى ءوزارا ءىس-قيمىل كۇشەيتىلدى»، - دەپ جازادى تامارا دۇيسەنوۆا.
ونىڭ ايتۋىنشا اتالعان سكرينينگتەرگە تۇراقتى نەگىزدە مونيتورينگ جۇرگىزىلەدى.
«2023 جىلدىڭ 3 ايىنىڭ ىشىندە پسيحوفيزيكالىق دامۋ سكرينينگىمەن 774 مىڭنان استام بالا قامتىلىپ، 8549 بالادا پسيحوفيزيكالىق دامۋدىڭ بۇزىلۋى (1،1%) انىقتالدى. بۇل بالالار ودان ءارى تۇزەتۋ ادىستەرىن انىقتاۋ ءۇشىن پمپك-عا جىبەرىلەدى.
2022 جىلى دەنساۋلىق ساقتاۋ مينيسترلىگى پەدياتريالىق كومەك كورسەتۋدى ۇيىمداستىرۋ ستاندارتىن قايتا قاراپ، ءاۋتيزمدى انىقتاۋعا ارنالعان جاڭا موديفيكاسيالانعان سكرينينگتىك تەست ەنگىزدى»، - دەدى مينيستر.