دەپۋتاتتار ولاردىڭ قوزعالىسىن رەتتەۋگە قاتىستى تۇزەتۋلەردى ماقۇلدادى.
ەلەكتر ساموكاتىنا تروتۋار نەمەسە جاياۋ جۇرگىنشىلەر جولىمەن ساعاتىنا 6 كم اسپايتىن جىلدامدىقپەن جۇرۋىنە جول بەرىلەدى، دەپ حابارلايدى Almaty-akshamy.kz
سەنات دەپۋتاتتارى 22 ماۋسىمداعى جالپى وتىرىستا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول قوزعالىسىن ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدى ماقۇلدادى. تۇزەتۋلەر ەلەكترساموكاتتاردىڭ قوزعالىسىن رەتتەۋگە دە اسەر ەتەدى.
ءماجىلىس دەپۋتاتتارى زاڭعا شاعىن ەلەكتر كولىكتەرى مەن ەلەكترساموكاتتاردى رەتتەۋدى ەنگىزۋ تۋرالى باستاما كوتەرگەن. زاڭ بويىنشا سەنات دەپۋتاتى ەۆگەنيي بولگەرت بايانداما جاسادى.
زاڭعا سايكەس 1) «شاعىن ەلەكتر كولىك قۇرالى» ۇعىمى ونىڭ تەحنيكالىق سيپاتتامالارىن جانە پايدالانۋ ءتارتىبىن قۇقىقتىق رەگلامەنتتەي وتىرىپ، جۇرگىزۋشىلەر ءۇشىن تىيىم سالۋلاردىڭ تىزبەسىن بەلگىلەۋ ەنگىزىلەدى؛ 2) «ەلەكتروندىق ساموكات» ۇعىمى ەنگىزىلەدى، ول ەڭ جوعارى كونسترۋكتيۆتىك جىلدامدىعى ساعاتىنا 25 كيلومەتردەن اسپايتىن كولىك قۇرالى دەپ تانىلادى جانە ولاردىڭ قوزعالىسى ءۇشىن ورىندار ايقىندالادى، سونىمەن بىرگە ولاردىڭ جۇرگىزۋشىلەرىنە تىيىم سالىنادى"، - دەدى سەناتور.
اتاپ ايتقاندا، زاڭمەن ەنگىزىلگەن شارتتار مەن تىيىمداردى ساقتاي وتىرىپ، جولدىڭ ءجۇرىس بولىگىنىڭ وڭ جاق شەتى بويىنشا ەلەكتر ساموكاتتاردىڭ جۇرۋىنە جول بەرىلەدى. اتاپ ايتقاندا، بۇل 18 جاسقا تولۋ، كەز كەلگەن ساناتتاعى كولىك قۇرالىن باسقارۋ قۇقىعىنا جۇرگىزۋشى كۋالىگىنىڭ بولۋى، تۇيمەلەنگەن دۋلىعانىڭ بولۋى، ال تاۋلىكتىڭ قاراڭعى ۋاقىتىندا قوزعالۋ كەزىندە باسقا كولىك قۇرالدارىنىڭ جۇرگىزۋشىلەرىنە كورىنۋدى قامتاماسىز ەتەتىن جارىق شاعىلىستىراتىن زاتتىڭ بولۋى.
ەلەكتر ساموكاتىنا تروتۋار نەمەسە جاياۋ جۇرگىنشىلەر جولىمەن ساعاتىنا 6 كم اسپايتىن جىلدامدىقپەن جۇرۋىنە جول بەرىلەدى: 3) شاعىن ەلەكتر كولىك قۇرالدارى مەن ەلەكتر ساموكاتتارى جۇرگىزۋشىلەرىنىڭ قۇقىقتارى مەن مىندەتتەرى بەلگىلەنەدى؛
بۇدان بولەك، باسقا قۇزىرەتتى ورگاندا تىركەلگەن كولىك قۇرالدارىنىڭ «جول قوزعالىسى تۋرالى» زاڭدا كوزدەلگەن تالاپتارعا سايكەستىگىن تەكسەرۋ ءۇشىن ىشكى ىستەر ورگاندارى قىزمەتكەرلەرىنىڭ كولىك قۇرالدارىن توقتاتۋىنىڭ نەگىزدەرىن بەلگىلەيتىن تۇزەتۋلەر ەنگىزىلدى.
زاڭ - جول قوزعالىسىن ۇيىمداستىرۋ ماسەلەلەرى جونىندەگى قولدانىستاعى زاڭنامانى ودان ءارى جەتىلدىرۋ ماقساتىندا پارلامەنت ءماجىلىسى دەپۋتاتتارىنىڭ باستاماشىلىعىمەن ازىرلەنگەن. زاڭنىڭ نەگىزگى ماقساتى - قولدانىستاعى قۇقىقتىق وقىلىقتاردى جويۋ جانە شاعىن ەلەكتر كولىكتەرىن، سونداي-اق ەلەكتر ساموكاتتارىن پايدالانۋ ماسەلەلەرىن زاڭنامالىق رەتتەۋ بولىپ تابىلادى. بۇدان بولەك، زاڭمەن كولىك قۇرالدارىن مەملەكەتتىك تىركەۋ تۋرالى كۋالىكتەردى، جۇرگىزۋشى كۋالىكتەرىن جانە مەملەكەتتىك تىركەۋ نومىرلىك بەلگىلەرىن دايىنداۋعا مەملەكەتتىك مونوپوليا ەنگىزىلەدى.
كولىك قۇرالدارىن مەملەكەتتىك تىركەۋ تۋرالى كۋالىكتەردى، جۇرگىزۋشى كۋالىكتەرىن جانە مەملەكەتتىك تىركەۋ نومىرلىك بەلگىلەرىن دايىنداۋ سالاسىندا مەملەكەتتىك مونوپوليا ەنگىزىلمەك. بۇل قىزمەت تۇرلەرىن جۇزەگە اسىرۋ قۇقىعى ق ر ءىىم جانىنداعى شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىنىنا بەرىلەدى.
"ءماجىلىس قابىلداعان زاڭ - جەكە ءجۇرىپ-تۇرۋ قۇرالدارىن پايدالانۋ ءتارتىبىن قۇقىقتىق رەتتەۋ سالاسىنداعى العاشقى قادام. سونىمەن قاتار ەنگىزىلەتىن قۇقىقتىق نوۆەللالاردى تاجىريبەدە سىناقتان وتكىزۋدى، ەلەكتر ساموكاتتار مەن شاعىن ەلەكتر كولىك قۇرالدارىن پايدالانۋ ءتارتىبىن رەتتەۋدىڭ حالىقارالىق تاجىريبەسىن ەسكەرە وتىرىپ، بولاشاقتا ءوزىنىڭ زاڭنامالىق شەشىمىن تالاپ ەتەتىن ءبىرقاتار ماسەلە بار"، - دەدى ەۆگەنيي بولگەرت.