كەي وڭىردە ۇسىك جۇرەدى

قازگيدرومەت سينوپتيكتەرى 7 قىركۇيەك، بەيسەنبىگە ارنالعان اۋا رايى بولجامىن جاريالادى.

قازاقستان اۋماعىنىڭ باسىم بولىگىندە بۇرىنعىشا اتموسفەرالىق فرونتتاردىڭ اسەرىنەن اۋا رايىنىڭ تۇراقسىز سيپاتى ساقتالادى، جاڭبىر جاۋىپ، نايزاعاي وينايدى، دەپ حابارلايدى Almaty-akshamy.kz.

تەك ەلدىڭ ورتالىعىندا جاۋىن-شاشىن جاۋمايدى.

رەسپۋبليكا بويىنشا ەكپىندى جەل، رەسپۋبليكانىڭ وڭتۇستىك-شىعىسىنىڭ تاۋلى اۋداندارىندا بۇرشاق جاۋادى.

ق ر سولتۇستىك-باتىسىندا، سولتۇستىگىندە، ورتالىعىندا تۇمان تۇسەدى.

جامبىل، قىزىلوردا وبلىستارىنىڭ سولتۇستىك-باتىسىندا، اتىراۋ وبلىسىنىڭ سولتۇستىك-شىعىسىندا، اقتوبە وبلىسىنىڭ باتىسىندا، باتىس قازاقستان وبلىسىنىڭ وڭتۇستىگىندە، شىعىسىندا توتەنشە ءورت ءقاۋپى ساقتالادى.

ماڭعىستاۋ وبلىسىندا، باتىس قازاقستان وبلىسىنىڭ ورتالىعىندا، سولتۇستىك-شىعىسىندا، قاراعاندى وبلىسىنىڭ وڭتۇستىگىندە ءورت ءقاۋپى جوعارى.

قاراعاندى وبلىسىنىڭ شىعىسىندا، سولتۇستىك قازاقستان وبلىسىنىڭ وڭتۇستىگىندە، قوستاناي وبلىسىنىڭ شىعىسىندا، پاۆلودار وبلىسىنىڭ وڭتۇستىگىندە، شىعىسىندا، اقمولا وبلىسىنىڭ باتىسىندا، وڭتۇستىگىندە، شىعىسىندا، اباي وبلىسىنىڭ باتىسىندا، وڭتۇستىگىندە توپىراق بەتىندە 1-3 گرادۋس ۇسىك جۇرەدى.